નવી દિલ્હી, તા. 22: ઉપરાષ્ટ્રપતિ જગદીપ ધનખડે 12 દિવસ પહેલા એક કાર્યક્રમમાં કહ્યું હતું કે ‘હું યોગ્ય સમયે, ઓગસ્ટ 2027 માં નિવૃત્ત થઈશ, દૈવી હસ્તક્ષેપને આધીન’. સોમવારે, એક આશ્ચર્યજનક પગલું ભરતા તેમણે સ્વાસ્થ્ય સંબંધિત ચિંતાઓનો ઉલ્લેખ કરીને પદ પરથી રાજીનામું આપ્યું. જો કે આ કારણ હશે એવું કોઈએ સ્વીકાર્યું નહીં. વિપક્ષમાં તેમના સૌથી કઠોર ટીકાકારોએ પણ કહ્યું કે આ રાજીનામામાં જે દેખાયું તેના કરતાં વધુ હતું.ઉપરાષ્ટ્રપતિના કાર્યાલય કે સરકાર તરફથી કોઈ સત્તાવાર નિવેદન ન મળતાં, આ ઘટનાક્રમે રાજકીય વર્તુળોમાં અટકળોનો દોર શરૂ કર્યો છે.
ભાજપના મંત્રીઓ તરફથી પણ મૌન પણ હતું, ધનખડ માટે કોઈ અભિનંદન સંદેશા ન હતા, જેમને ‘કિસાન પુત્ર’ અને ખુદ વડા પ્રધાન નરેન્દ્ર મોદી દ્વારા ‘પ્રેરણાદાયક’ કહેવામાં આવ્યા હતા. 15 કલાક પછી વડા પ્રધાન મોદીએ ટ્વિટ કર્યું.જો કે ધનખડને આ વર્ષની શરૂઆતમાં હૃદય રોગની સારવાર આપવામાં આવી હતી, પરંતુ સંસદના ચોમાસુ સત્રના પહેલા દિવસ પછી તેમણે ચુપચાપ રાજીનામું આપીને અફવાઓ ફેલાવી દીધી છે.
સોમવારે સાંજે 4 વાગ્યે ઉપરાષ્ટ્રપતિ સચિવાલય દ્વારા આ અઠવાડિયાના અંતમાં જયપુરની તેમની નિર્ધારીત યાત્રા અંગેની પ્રેસ રિલીઝે મૂંઝવણમાં વધારો કર્યો છે.
0-
ધનખડના રાજીનામા અંગે ચાલી રહેલી ત્રણ થિયરી-એક થિયરી છે કે ધનખડે બિહાર ચૂંટણી પહેલાં નીતિશ કુમાર માટે આગામી ઉપરાષ્ટ્રપતિ બનવાનો માર્ગ મોકળો કર્યો છે. મંગળવારે બિહાર ભાજપના એક નેતાએ એમ કહીને અફવાઓ તેજ કરી હતી કે ‘જો નીતિશ ઉપરાષ્ટ્રપતિ બને છે તો તે બિહાર માટે સારું રહેશે.’
-બીજી એક થિયરી ચર્ચામાં છે તે છે ચોમાસુ સત્રના પહેલા દિવસે બનેલી ઘટનાઓ. સોમવારે, ધનખડે જાહેરાત કરી કે તેમને 68 વિપક્ષી સાંસદો દ્વારા હસ્તાક્ષરિત નોટિસ મળી છે જેમાં જસ્ટિસ યશવંત વર્માને હટાવવાની માગ કરવામાં આવી છે.જ્યારે સરકાર લોકસભામાં તેના દ્વારા પ્રાયોજિત પ્રસ્તાવ રજૂ કરી રહી હતી, ત્યારે વિપક્ષની નોટિસ પર ઉપરાષ્ટ્રપતિ દ્વારા કથિત ઉતાવળ કરવામાં આવી હતી, જેના કારણે એનડીએને આનો શ્રેય લેવાની તક મળી ન હતી.
-ત્રીજી થિયરી છે કે ધનખડનો પોતાની રીતે ચાલવાનો અભિગમ, ખાસ કરીને ન્યાયતંત્ર પરની તેમની તીક્ષ્ણ ટિપ્પણીઓ અંગે સરકારમાં કેટલાક લોકો નારાજ થયા હતા.
