માસ્કનો ઉપયોગ એ કોરોના વાયરસ (CORONA VIRUS) ને રોકવા માટેના એક સૌથી અસરકારક પગલા તરીકે ગણવામાં આવે છે. ચહેરાના માસ્ક (MASK) ની અસરકારકતા વિશે ચાલી રહેલી ચર્ચાની વચ્ચે, આ અઠવાડિયામાં પ્રકાશિત થયેલા નવા અધ્યયનમાં દાવો કરવામાં આવ્યો છે કે માસ્કનો વ્યાપક ઉપયોગ કોવિડ -19 નો મોટો ફેલાવો અટકાવવામાં મદદ કરી શકે છે. આ અભ્યાસ મંગળવારે ધ લેન્સેટ ડિજિટલ હેલ્થમાં પ્રકાશિત થયો છે. આ અધ્યયનમાં 13 વર્ષ કે તેથી વધુ વયના 30 મિલિયનથી વધુ અમેરિકનોની માસ્ક પહેરવાની ટેવનો સર્વેક્ષણ કરવામાં આવ્યું છે, જેમાં ઘણી બાબતો જાહેર થઈ છે.
આ સર્વેક્ષણમાં ભાગ લેનારાઓને સવાલ પુછવામાં આવ્યા હતા કે સાર્વજનિક સ્થળો (PUBLIC PLACE) એ રહેતા, કરિયાણાની ખરીદી કરતી વખતે અથવા કુટુંબ અને મિત્રોની મુલાકાત લેતી વખતે માસ્ક પહેરવાની સંભાવના છે. તેના જવાબમાં, લગભગ 85 ટકા લોકોએ જણાવ્યું હતું કે કરિયાણાની ખરીદી કરતી વખતે ‘માસ્ક પહેરવાની’ ખૂબ જ શક્યતા હોય છે, અને લગભગ 4૦ ટકા લોકોએ પણ કુટુંબ અને મિત્રોની મુલાકાત લેતાં માસ્ક પહેરવાની વાત કરી હતી.
ગયા ડિસેમ્બરમાં માસ્કથી સંબંધિત એક સંશોધન કરવામાં આવ્યું હતું, જેમાં એવું કહેવામાં આવ્યું હતું કે માસ્ક પહેરીને માત્ર ચેપ ટાળવા માટે પૂરતું નથી, પરંતુ સલામત શારીરિક અંતરના (SOCIAL DISTANCE) કાયદાનું પાલન પણ કરવું જરૂરી છે. આ સંશોધન ફિઝિક્સ ઓફ ફ્લૂઇડ જર્નલમાં પ્રકાશિત થયું હતું.
આ ઉપરાંત ગયા નવેમ્બરમાં ભારતમાં પણ માસ્ક અને સલામત શારીરિક અંતરને લગતા સંશોધન કરવામાં આવ્યું હતું. આ સંશોધન આઈઆઈટી ભુવનેશ્વરના સંશોધનકારો દ્વારા કરાયું હતું. અધ્યયનમાં જાણવા મળ્યું છે કે માસ્ક વગર સાવચેતી વિના છીંક દરમિયાન છૂટેલા પાણીના નાના ટપકું 25 ફુટ સુધી જઈ શકે છે, અત્યંત માઇક્રોસ્કોપિક કણો પણ માસ્કની બહાર નીકળી શકે છે. આવી સ્થિતિમાં નિષ્ણાંતોએ કહ્યું હતું કે બે ફૂટનું અંતર આ નિયમનું પાલન કરવું ખૂબ જ મહત્વપૂર્ણ છે.
હાલ કોરોના વેક્સિન (CORONA VACCINE) માર્કેટમાં આવ્યા બાદ લોકો ભયાનક કોરોના રોગ સામે બેદરકાર બની ગયા છે.પરંતુ વેક્સિન લગાવ્યા બાદ પણ હાલ સરકાર માસ્ક પહેરવા ઉપર ભાર મૂકી રહી છે.અને તેમાં પણ ડબલ માસ્ક પહેરવાથી આપણું અને આપણાં પરિવાર માટે લાભદાયી છે.
