ગયા મહિને પિંક સુપરમૂન (SUPER BLOOD MOON) દુનિયાભરમાં જોવા મળ્યુ હતું અને આવતા અઠવાડિયે બીજો સુપરમૂન પણ વધુ રસપ્રદ બનશે. જ્યારે ચંદ્ર પૃથ્વીની આસપાસ તેની ભ્રમણકક્ષામાં પૃથ્વીની ખૂબ નજીક હોય છે, ત્યારે તે ખૂબ મોટો લાગે છે. આવતા અઠવાડિયે દેખાતા સુપરમૂન પર ગ્રહણ (ECLIPSE) પણ જોવા મળશે, જેનાથી તે માત્ર કદમાં જ આકર્ષક નહીં વધુ લાલ પણ દેખાશે.
આ અદભુત દૃશ્ય 26 મેના રોજ જોવા મળશે જ્યારે ચંદ્ર સૌથી વધુ ચમકતો હોય છે. આ ગ્રહણ લગભગ 14 મિનિટ 30 સેકંડ ચાલશે. જ્યારે સૂર્ય (SUN), પૃથ્વી (EARTH) અને ચંદ્ર એક લાઇનમાં (ONE LINE) હોય ત્યારે પૂર્ણ ચંદ્રગ્રહણ (FULL ECLIPSE) થાય છે. ગ્રહણ સમયે પૃથ્વી સૂર્ય અને ચંદ્રની વચ્ચે આવે છે. આને કારણે, સૂર્યપ્રકાશ ચંદ્ર સુધી પહોંચતો નથી અને ચંદ્ર સંપૂર્ણ અંધકારમય લાગે છે.
જો કે, તે સંપૂર્ણપણે અદૃશ્ય થતો નથી. પૃથ્વીના વાતાવરણ પર સૂર્યપ્રકાશની અસરને કારણે ચંદ્ર જુદો દેખાશે. પૃથ્વીના વાતાવરણને ફટકારતી વખતે સૂર્યપ્રકાશની વધુ તરંગલંબાઇથી ચંદ્ર લાલ અને નારંગી પ્રકાશથી અદભુત સ્વરૂપ ધારણ કરે છે અને ‘બ્લડ મૂન’ બને છે. તે નારંગી અથવા લાલથી ભુખરો પણ હોઈ શકે છે.
તેને બ્રિટનમાં ફ્લાવર મૂન (CALL FLOWER MOON IN BRITAIN) પણ કહેવામાં આવે છે, કારણ કે મે મહિનાથી ફૂલો ખીલે છે. તે અમેરિકામાં સ્પષ્ટ દેખાશે. આ સિવાય તે ઓસ્ટ્રેલિયા, દક્ષિણ અમેરિકાના પશ્ચિમ ભાગ અને દક્ષિણપૂર્વ એશિયામાં પણ જોવા મળશે. પ્રથમ ચંદ્ર પૃથ્વીના બાહ્ય પડછાયા (પેનમ્બ્રા)માં પ્રવેશ કરે છે અને જ્યારે તે આંતરિક છાયામાં પ્રવેશ કરે છે ત્યારે તે લાલ દેખાય છે.
ભારતમાં, આ ગ્રહણ પેનમ્બ્રા તબક્કામાં જ દેખાય છે. જો કે હિંદુ સંસ્કૃતિ અને પરંપરા અનુસાર આ ગ્રહણને નિહાળવું અપશુકન માનવામાં આવે છે, કારણ કે તે સમયે ચંદ્ર પર દુઃખ પડે છે અને તે પીડાના સમયમાંથી પસાર થાય છે. ગ્રેનીચના રોયલ ઓબ્ઝર્વેટરી અનુસાર બે-ત્રણ વર્ષમાં એકવાર સંપૂર્ણ ચંદ્રગ્રહણ થાય છે.
આવતા અઠવાડિયે દેખાનાર સુપરમૂન વર્ષનું બીજુ અને સૌથી મોટું ચન્દ્રગ્રહણ હશે. આ પહેલા 26 એપ્રિલે સુપર પિંક મૂન દેખાયું હતું. વર્ષ 1930 માં, મૈન ફાર્મર અલ્મેન્કે અમેરિકન ભારતીયએ ચંદ્રનું નામ આપવાનું શરૂ કર્યું. તદનુસાર, એપ્રિલના પૂર્ણ ચંદ્રને પિંક મૂન કહેવામાં આવે છે. પિંક મૂન સિવાય તેને સ્પ્રાઉટીંગ ગ્રાસ મૂન, એગ મૂન, ફિશ મૂન જેવા ઘણા નામ આપવામાં આવ્યા છે. રિચાર્ડ નોલે 1979માં સુપરમૂન નામ આપ્યું હતું.
