નવી દિલ્હી: ઉપરાષ્ટ્રપતિ વેંકૈયા નાયડુ નો કાર્યકાળ 10 ઓગસ્ટનાં રોજ સમાપ્ત થઈ રહ્યો છે. વેંકૈયા નાયડુ બાદ દેશના નવા ઉપરાષ્ટ્રપતિ કોણ હશે તે ચિત્ર આજે સ્પષ્ટ થઈ જશે. ઉપરાષ્ટ્રપતિ પદ માટે એનડીએ દ્વારા જગદીપ ધનખડને મેદાનમાં ઉતારવામાં આવ્યા છે જ્યારે વિપક્ષે માર્ગારેટ આલ્વાને નોમિનેટ કર્યા છે. ઉપરાષ્ટ્રપતિ પદ માટેની ચૂંટણીનું મતદાન પૂર્ણ થઈ ગયું છે. પ્રધાનમંત્રી મોદીએ પોતાનો વોટ આપ્યો હતો. હવે વોટોની ગણતરી કરવામાં આવી રહી છ. ત્યારબાદ નવા નવા ઉપરાષ્ટ્રપતિની જાહેરાત થશે.
બપોરે 2 વાગ્યા સુધી 85 ટકાથી વધુ સાંસદોએ મતદાન કર્યું
ઉપરાષ્ટ્રપતિની ચૂંટણીમાં બપોરે 2 વાગ્યા સુધી 85 ટકાથી વધુ મતદાન નોંધાયું છે. અધિકારીઓએ માહિતી આપી હતી કે બંને ગૃહોના 780 સાંસદોમાંથી અત્યાર સુધીમાં લગભગ 670 લોકોએ પોતાનો મત આપ્યો છે. નોંધપાત્ર રીતે, રાજ્યસભાની અન્ય આઠ બેઠકો ખાલી છે. PM મોદી અને પૂર્વ PM મનમોહન સિંહે સવારે પોતાના મતાધિકારનો ઉપયોગ કર્યો હતો. લોકસભામાં 23 સહિત 39 સાંસદો ધરાવતી તૃણમૂલ કોંગ્રેસે આ ચૂંટણીથી દૂર રહેવાનો નિર્ણય પહેલેથી જ જાહેર કરી દીધો હતો.
રાહુલ ગાંધીએ પણ મતદાન કર્યું હતું
કોંગ્રેસ અધ્યક્ષ સોનિયા ગાંધીએ સંસદમાં ઉપરાષ્ટ્રપતિની ચૂંટણી માટે પોતાનો મત આપ્યો હતો તેમજ પૂર્વ વડાપ્રધાન અને કોંગ્રેસના સાંસદ ડૉ. મનમોહન સિંહે ઉપરાષ્ટ્રપતિની ચૂંટણી માટે મતદાન કરવા વ્હીલ ચેર પર આવ્યા હતા.તેમના સિવાય પાર્ટીના નેતા મલ્લિકાર્જુન ખડગે, કોંગ્રેસ સાંસદ અધીર રંજન ચૌધરી અને મનીષ તિવારીએ મત આપ્યો હતો. આ ઉપરાંત કોંગ્રેસના સાંસદો રાહુલ ગાંધી, શશિ થરૂર, જયરામ રમેશ અને મલ્લિકાર્જુન ખડગેએ ઉપરાષ્ટ્રપતિની ચૂંટણી માટે સંસદમાં પોતાનો મત આપ્યો હતો. લોકસભાના અધ્યક્ષ ઓમ બિરલાએ સંસદમાં ઉપરાષ્ટ્રપતિની ચૂંટણી માટે પોતાનો મત આપ્યો હતો.
ભાજપના સાંસદોએ કર્યું મતદાન
કેન્દ્રીય મંત્રીઓ નીતિન ગડકરી, ધર્મેન્દ્ર પ્રધાન અને રાજ્યસભાના ઉપાધ્યક્ષ હરિવંશે ઉપરાષ્ટ્રપતિની ચૂંટણી માટે સંસદમાં પોતાનો મત આપ્યો હતો. ભાજપના સાંસદ હેમા માલિની, રાજ્યવર્ધન સિંહ રાઠોડ, કેન્દ્રીય વિદેશ રાજ્ય મંત્રી મીનાક્ષી લેખી અને કેન્દ્રીય આવાસ અને શહેરી બાબતોના મંત્રી હરદીપ સિંહ પુરીએ ઉપરાષ્ટ્રપતિની ચૂંટણી માટે સંસદમાં મતદાન કર્યું હતું.
TMC એ સુવેન્દુના પિતાને મતદાનથી દુર રહેવા સૂચના
ઉપરાષ્ટ્રપતિની ચૂંટણીથી દૂર રહેવાની જાહેરાત કરનાર તૃણમૂલ કોંગ્રેસે સુવેન્દુ અધિકારીના પિતા શિશિર અધિકારીને પત્ર લખ્યો છે. જેમાં શિશિરને ઉપરાષ્ટ્રપતિની ચૂંટણીમાં મતદાન ન કરવા માટે કહેવામાં આવ્યું છે. મહત્વનું છે કે જ્યારે સુવેન્દુ ભાજપમાં જોડાયા છે, ત્યારે તેમના પિતા શિશિર અધિકારી, હજુ પણ TMC નો ભાગ છે.
આજે જ જાહેર કરાશે ચૂંટણીનાં પરિણામો
ઉપપ્રમુખ પદ માટે મતદાન પ્રક્રિયા પૂર્ણ થયા બાદ આજે મતગણતરી હાથ ધરાશે. મતગણતરી બાદ આજે ચૂંટણીના પરિણામો પણ જાહેર કરવામાં આવશે. ઉપરાષ્ટ્રપતિની ચૂંટણીમાં કુલ 788 મતદારો છે અને જીતવા માટે 394 મતની જરૂર છે.
ઉપરાષ્ટ્રપતિની રેસમાં ધનખડ આગળ
ભાજપની આગેવાની હેઠળના રાષ્ટ્રીય લોકતાંત્રિક ગઠબંધન, જે સત્તાના કેન્દ્રમાં છે, તેણે ઉપરાષ્ટ્રપતિ પદ માટે તેના ઉમેદવાર તરીકે પશ્ચિમ બંગાળના રાજ્યપાલ જગદીપ ધનખરને નામાંકિત કર્યા છે. આંકડાઓનું અંકગણિત જગદીપ ધનખરની તરફેણમાં જણાય છે. NDAના મતદારો ક્રોસ વોટિંગ ન કરે તો જગદીપ ધનખડ પાસે 395 વોટ જોવા મળી રહ્યા છે. આવી સ્થિતિમાં ઉપરાષ્ટ્રપતિ પદની રેસમાં જગદીપ ધનખડને તેમના પ્રતિસ્પર્ધી માર્ગારેટ આલ્વા કરતા ઘણા આગળ માનવામાં આવે છે.
