અમદાવાદ : પશ્ચિમ રેલવે દ્વારા મુસાફરોની વધતી માંગને ધ્યાનમાં રાખીને અમદાવાદ મંડળ હેઠળ દોડતી કુલ 12 મહત્વપૂર્ણ ટ્રેનોમાં વધારાના 3-ટિયર એસી (3AC) કોચ સ્થાયી રીતે ઉમેરવામાં આવશે.
રેલવે વિભાગના જણાવ્યા પ્રમાણે ખાસ કરીને ઉનાળાની સિઝનમાં લાંબા અંતરના પ્રવાસ માટે એસી કોચની માંગ વધી રહી છે. આને પહોંચી વળવા માટે તબક્કાવાર રીતે અલગ-અલગ તારીખોથી આ કોચ ઉમેરવાનો નિર્ણય લેવામાં આવ્યો છે. તા. 21 મે, 2026થી બાંદ્રા ટર્મિનસ–ગાંધીધામ, અમદાવાદ–પ્રયાગરાજ, સાબરમતી–વારાણસી અને સાબરમતી–થાવે એક્સપ્રેસમાં વધારાનો કોચ જોડાશે.
તા. 22 મે, 2026થી દાદર–ભુજ એક્સપ્રેસમાં કોચ ઉમેરાશે તા. 23 મે, 2026થી ગાંધીધામ–હાવડા એક્સપ્રેસમાં અમલ શરૂ થશે., તા. 24 મે, 2026થી ઈન્દોર–અસારવા, અમદાવાદ–પટના અને સાબરમતી–શ્રી માતા વૈષ્ણો દેવી કટરા એક્સપ્રેસમાં વધારો થશે. તા. 25 મે, 2026થી સાબરમતી–લખનૌ એક્સપ્રેસમાં કોચ જોડાશે. તા. 26 મે, 2026થી સાબરમતી–સુલતાનપુર એક્સપ્રેસમાં અમલ થશે. તા. 27 મે, 2026થી અમદાવાદ–કોલકાતા એક્સપ્રેસમાં વધારાનો કોચ ઉમેરાશે.
