નવી દિલ્હી: અમેરિકા(America) અને ચીન(China) વચ્ચે તણાવ(Tensions) યથાવત છે. બંને વચ્ચે સહેજ પણ તણખલા કોઈપણ યુદ્ધ(War)ને ભડકાવી શકે છે. ચીન સાથે યુદ્ધની ધમકી વચ્ચે અમેરિકાએ હાલમાં જ એક એવી મિસાઈલ(missile)નું પરીક્ષણ(test) કર્યું છે, જે ચીનના હોશ ઉડાડવા માટે પૂરતું છે. મળતી માહિતી મુજબ, અમેરિકાએ હાલમાં જ એર-ટુ-સરફેસ(Air-to-surface) સ્ટેન્ડઓફ મિસાઈલ JASSM-ERનું પરીક્ષણ કર્યું છે. આ મિસાઈલને અમેરિકાએ તેના સૌથી ખતરનાક બોમ્બર જેટ બી-2 પર ફીટ કરીને છોડ્યું હતું. આ કારણે મિસાઈલની ફાયરપાવર વધુ વધી ગઈ છે. એવું માનવામાં આવે છે કે આ મિસાઈલ ઈન્ડો-પેસિફિક ક્ષેત્રમાં અમેરિકન હિતોની સુરક્ષામાં મહત્વની ભૂમિકા ભજવશે.
- ચીની યુદ્ધ જહાજો પર હુમલો કરવા માટે સંપૂર્ણ રીતે અનુકૂળ
- B-2 બોમ્બર એક સમયે 16 મિસાઈલ લઈ જવા માટે સક્ષમ છે
- મિસાઇલ ક્ષમતા વધી, ટર્બોફન એન્જિનમાં સુધારો થયો
જેએસએસએમ-ઇઆરનો ઉપયોગ ચીનના યુદ્ધ જહાજો પર હુમલો કરવા માટે થઈ શકે છે અને ચીની વાયુસેનાના નિવૃત્ત અધિકારી ફુ કિયાનશાઓએ આ વાતનો સ્વીકાર કર્યો છે. માનવામાં આવે છે કે આ મિસાઈલ પેસિફિકમાં અમેરિકન હિતોની રક્ષા કરવામાં મોટી ભૂમિકા નિભાવશે. આ મિસાઈલ નોર્થરોલ ગ્રુમમેને વિકસાવી છે. બી-2 બોમ્બરે ડિસેમ્બર 2021માં પણ આ ક્રૂઝ મિસાઈલને સફળતાપૂર્વક છોડ્યું હતું. આ પછી એરક્રાફ્ટને વધુ વિકસિત કરવામાં આવ્યું અને તેની ક્ષમતાઓને વધુ વધારવામાં આવી. આ મિસાઈલની ખાસિયત એ છે કે તે ગમે ત્યાં ત્રાટકીને લક્ષ્યને નષ્ટ કરી દેશે.
B-2 બોમ્બર એક સમયે 16 મિસાઈલ લઈ જવા માટે સક્ષમ છે
અમેરિકાના આ B-2 બોમ્બર આ મિસાઈલ સાથે મોટી માત્રામાં ખતરનાક હથિયારો લઈ જવાની ક્ષમતા ધરાવે છે. સૌથી મોટી ખાસિયત એ છે કે આ બોમ્બર એક સમયે 16 મિસાઈલ લઈ જવાની ક્ષમતા ધરાવે છે. આ મિસાઈલ 965 કિમીના અંતર સુધી પ્રહાર કરીને લક્ષ્યને નષ્ટ કરી શકે છે. જ્યારે અસલ જેએસએસએમ મિસાઈલની રેન્જ માત્ર 400 કિમી છે.
આ રીતે મિસાઈલની ક્ષમતામાં વધારો કરવામાં આવ્યો હતો
નવી અને અપગ્રેડેડ મિસાઈલમાં ઈંધણ ક્ષમતામાં વધુ વધારો કરવામાં આવ્યો છે.તેના ટર્બોફેન એન્જિનમાં સુધારો કરવામાં આવ્યો છે. આ મિસાઈલ સિવાય આગામી દિવસોમાં B-2માં અન્ય કેટલાક ફેરફારો પણ થશે. તમામ સુધારાઓ પછી, આ બોમ્બર જેટ હંમેશા અમેરિકી દળોનું સૌથી શક્તિશાળી હથિયાર રહેશે. આ પછી, આધુનિક હવાઈ સંરક્ષણમાં અમેરિકા વિશ્વની બાકીની સેનાઓથી ઘણું આગળ નીકળી ગયું છે.
