નવી દિલ્હી: 2002ના ગુજરાત(Gujarat) રમખાણો(Riots)માં તત્કાલિન મુખ્યમંત્રી(Chief Minister) નરેન્દ્ર મોદી(Narendra Modi)ને ક્લીનચીટ(Clean chit) આપનાર SITના રિપોર્ટ વિરુદ્ધ દાખલ કરવામાં આવેલી અરજી(Application)ને સુપ્રીમ કોર્ટે(Supreme Court) ફગાવી દીધી છે. આ અરજી ઝાકિયા જાફરી(Zakia Jafri) દ્વારા દાખલ કરવામાં આવી હતી. કોર્ટે SITના તપાસ રિપોર્ટને સાચો માન્યો છે. ઝાકિયા જાફરી પૂર્વ સાંસદ અહેસાન જાફરીના પત્ની છે.
જસ્ટિસ એએમ ખાનવિલકર, જસ્ટિસ દિનેશ મહેશ્વરી અને જસ્ટિસ સીટી રવિકુમારની બેન્ચે આ ચુકાદો આપ્યો હતો. સુપ્રીમ કોર્ટે ઝાકિયા જાફરીની અરજી પર મેરેથોન સુનાવણી પૂર્ણ કર્યા બાદ સાત મહિના પહેલા 9 ડિસેમ્બર 2021ના રોજ નિર્ણય અનામત રાખ્યો હતો. ગુજરાત રમખાણોની તપાસ માટે રચાયેલી SITએ તત્કાલિન વડાપ્રધાન નરેન્દ્ર મોદીને ક્લીનચીટ આપી હતી, જેઓ તે સમયે ગુજરાતના મુખ્યમંત્રી હતા.
રમખાણોમાં એહસાન જાફરીનું થયું મૃત્યુ
2002ના ગુજરાત રમખાણો દરમિયાન, ઝાકિયા જાફરીના પતિ, જે તે સમયના કોંગ્રેસના ધારાસભ્ય હતા, તોફાની ટોળા દ્વારા માર્યા ગયા હતા. ગુજરાત રમખાણો દરમિયાન ગુલબર્ગ સોસાયટી હત્યાકાંડમાં અહેસાન જાફરીનું પણ મોત થયું હતું. અહેસાન જાફરીની વિધવા ઝાકિયા જાફરીએ સુપ્રીમ કોર્ટમાં અરજી દાખલ કરીને SITના રિપોર્ટને પડકાર્યો હતો.
SITના ક્લોઝર રિપોર્ટ સામે ઝાકિયાની ફરિયાદ ફગાવી
SITના રિપોર્ટમાં રાજ્યમાં ઉચ્ચ હોદ્દા પર રહેલા લોકોને ક્લીનચીટ આપવામાં આવી હતી. એસઆઈટીએ ગોધરા ટ્રેન આગની ઘટના અને તે પછીના રમખાણોને ઉશ્કેરવા માટે રાજ્યના ઉચ્ચ અધિકારીઓ દ્વારા કોઈ કાવતરું હોવાનો ઇનકાર કર્યો હતો. 2017માં ગુજરાત હાઈકોર્ટે SITના ક્લોઝર રિપોર્ટ સામે ઝાકિયાની ફરિયાદને ફગાવી દીધી હતી. ગુજરાત હાઈકોર્ટે SITના રિપોર્ટને પડકારતી અરજી ફગાવી દીધા બાદ ઝાકિયા જાફરીએ સુપ્રીમ કોર્ટનો સંપર્ક કર્યો હતો. સુપ્રીમ કોર્ટે પણ હવે તેને ફગાવી દીધી છે.
અરજી સામે SITની દલીલ
અરજી સામે ગુજરાત રમખાણોની તપાસ કરનાર વિશેષ તપાસ ટીમ (SIT) એ સુપ્રીમ કોર્ટને કહ્યું હતું કે ઝાકિયા જાફરીએ દાખલ કરેલી તપાસ સિવાય કોઈએ અમારી તપાસ પર આંગળી ચીંધી નથી. જાફરીએ પોતાની અરજીમાં આરોપ લગાવ્યો છે કે રાજ્યમાં આ હિંસામાં મોટું ષડયંત્ર છે. આ અરજી પર અગાઉની સુનાવણી દરમિયાન રોહતગીએ સુપ્રીમ કોર્ટને કહ્યું હતું કે ઝાકિયા જાફરીએ લગભગ 12,000 પાનાની વિરોધ અરજી દાખલ કરી છે અને તેને ફરિયાદ તરીકે ગણવામાં આવે છે. રોહતગીએ કહ્યું હતું કે આવું કરીને ઝાકિયા મામલો ગરમ રાખવા માંગે છે અને તે એક દુર્ભાવનાપૂર્ણ ઈશારો હતો.
