ગોવા: સોનાલી ફોગાટ(Sonali Phogat) મર્ડર કેસ(Murder Case) મામલે ગોવા પોલીસ(Goa Police)ના સૂત્રોએ ખુલાસો કર્યો છે કે આરોપી સુધીર સાંગવાને(Sudhir Sangwan) સોનાલી ફોગાટના મોતનું કાવતરું કબૂલ્યું છે. ગોવા પોલીસ સૂત્રોએ દાવો કર્યો છે કે સુધીર સાંગવાને કસ્ટોડિયલ પૂછપરછ દરમિયાન સોનાલી ફોગાટને ગુડગાંવથી ગોવા લાવવાના કાવતરાની કબૂલાત કરી છે. પોલીસે જણાવ્યું કે ગોવામાં કોઈ શૂટિંગની કોઈ યોજના નહોતી, તે સોનાલીને ગોવા લાવવાનું કાવતરું હતું
કેસમાં વહેલી ચાર્જશીટ દાખલ કરવાનો નિર્દેશ
ગોવા પોલીસ સૂત્રો પાસેથી મળેલી માહિતી મુજબ સોનાલી ફોગાટની હત્યાનું કાવતરું ઘણા સમય પહેલા ઘડવામાં આવ્યું હતું. દરમિયાન, સીએમ પ્રમોદ સાવંતે વરિષ્ઠ પોલીસ અધિકારીઓને આ કેસમાં વહેલી તકે ચાર્જશીટ દાખલ કરવાનો નિર્દેશ આપ્યો છે. ગોવા પોલીસે પુષ્ટિ કરી છે કે તમામ સંબંધિત દસ્તાવેજો મળી આવ્યા છે અને આ હત્યા કેસમાં સુધીર સાંગવાનને દોષિત ઠેરવવા માટે પૂરતા છે. ગોવા પોલીસને વિશ્વાસ છે કે ટ્રાયલ દરમિયાન કોર્ટમાં સોનાલી ફોગાટની હત્યાના આરોપીઓને જવાબદાર ઠેરવી શકાશે.
ગોવા પોલીસ આજે સાંગવાનના ઘરે જઈ શકે છે
અહેવાલ છે કે ગોવા પોલીસ આજે રોહતકમાં આરોપી સુધીર સાંગવાનના ઘરે પણ જઈ શકે છે. આ દરમિયાન સુધીર સાંગવાનના પરિવારની પૂછપરછ થઈ શકે છે. આ સિવાય સુધીરના ઘરની પણ તલાશી લેવામાં આવી શકે છે. સોનાલી ફોગટના ભાઈઓ વતન ઢાકા અને રિંકુ ઢાકાએ જણાવ્યું કે તેઓએ ગોવા પોલીસ સાથે વાત કરી છે અને તેઓએ માહિતી આપી છે કે તેઓ આજે રોહતકમાં સુધીર સાંગવાનના ઘરે પૂછપરછ માટે જશે. ગોવા પોલીસ માત્ર હિસારમાં જ હાજર છે. સુધીર સાંગવાનના ઘરે જવા ઉપરાંત ગોવા પોલીસ આજે કેટલાક વધુ લોકોના નિવેદન પણ નોંધી શકે છે. હાલમાં ગોવા પોલીસ રેડ ડાયરીની તપાસ કરી રહી છે.
સોનાલી ફોગાટનું શંકાસ્પદ મૃત્યુ
23 ઓગસ્ટે સોનાલી ફોગાટનું ગોવામાં રહસ્યમય સંજોગોમાં મૃત્યુ થયું હતું. પોસ્ટમોર્ટમ રિપોર્ટ અનુસાર સોનાલી ફોગાટના શરીર પર ઈજાના નિશાન પણ જોવા મળ્યા હતા. આ કેસમાં સોનાલી ફોગાટના પીએ સુધીર સાંગવાન અને તેના સાથી સુખવિંદરની ધરપકડ કરવામાં આવી હતી. ગોવા પોલીસે પાછળથી કુર્લીસ રેસ્ટોરન્ટના માલિક એડવિન નુન્સ અને બે ડ્રગ પેડલરની પણ ધરપકડ કરી હતી.
