યુક્રેન: આજે યુક્રેન સ્વતંત્રતા દિવસની ઉજવણી કરી રહ્યું છે, પરંતુ આ દિવસે રશિયા યુક્રેન પર મોટો હુમલો કરી શકે છે. પ્રેસિડેન્ટ ઝેલેન્સકીએ એવી આશંકા વ્યક્ત કરી છે. ચાર દિવસ પહેલા ઝેલેન્સકીએ તેમના દેશના લોકોને ચેતવણી આપી હતી કે – ‘આ અઠવાડિયે રશિયા કંઈક ખૂબ જ ખરાબ કરવાનો પ્રયાસ કરી શકે છે, ખાસ કરીને કંઈક ઝેરી.’ તે જ સમયે, યુક્રેનના બીજા સૌથી મોટા શહેર ખાર્કિવના ગવર્નરે તેના નાગરિકોને ચેતવણી જારી કરતા કહ્યું – ‘ઘરે રહો અને ચેતવણીનું ધ્યાન રાખો’. રશિયન ગોળીબારને જોતા ખાર્કિવમાં કર્ફ્યુ લગાવી દેવામાં આવ્યો છે.
આ અહેવાલોના આધારે હુમલાની શક્યતા
યુક્રેનિયન એનજીઓનાં અહેવાલ અનુસાર – ‘રશિયા યુક્રેનિયન સરહદની નજીક મિસાઇલો તૈનાત કરવામાં અને શસ્ત્રો એકત્રિત કરવામાં વ્યસ્ત છે. યુક્રેન પર S-300 મિસાઇલો સાથે સામૂહિક ગોળીબારનો સ્પષ્ટ ખતરો છે. 20 ઓગસ્ટ પહેલા રશિયાની ઘણી ટ્રેનો યુક્રેનિયન બોર્ડર પર પહોંચી ગઈ છે. તે સ્પષ્ટ છે કે રશિયા 24 ઓગસ્ટે યુક્રેન પર મોટો હુમલો કરવાની તૈયારી કરી રહ્યું છે. યુએસ ઈન્ટેલિજન્સ એજન્સીઓના રિપોર્ટ પ્રમાણે- તેઓની પાસે માહિતી છે કે રશિયા આગામી દિવસોમાં યુક્રેનના નાગરિક ઈન્ફ્રાસ્ટ્રક્ચર અને સરકારી ઈમારતો પર હુમલા કરવાના પ્રયાસો વધારી રહ્યું છે. યુક્રેનમાં રશિયાના ટ્રેક રેકોર્ડને જોતાં, અમે રશિયન હુમલાના પરિણામે નાગરિકો અને નાગરિક ઇન્ફ્રાસ્ટ્રક્ચરને જોખમ વિશે ચિંતિત છીએ.
રાષ્ટ્રપતિની લોકોને અપીલ
આ અહેવાલોના આધારે, યુક્રેનના રાષ્ટ્રપતિ વોલોદિમિર ઝેલેન્સકી અને ખાર્કિવ શહેરના ગવર્નરે તેમના દેશના લોકોને સતર્ક રહેવાની ચેતવણી આપી છે. વોલોદિમિર ઝેલેન્સકીએ લોકો સલાહ આપી છે કે તેઓ સ્વતંત્રતા દિવસના અવસર પર કાર્યક્રમોનું આયોજન ન કરે. જ્યારે અમેરિકી સરકારે યુક્રેનમાં રહેતા અમેરિકનોને પણ ચેતવણી આપી છે અને તેમને તાત્કાલિક દેશ છોડી દેવાની વિનંતી કરી છે.
પરમાણુ હુમલાનો ભય
યુએન સેક્રેટરી-જનરલ એન્ટોનિયો ગુટેરેસે પરમાણુ જોખમ વિશે ચેતવણી આપી હતી, ખાસ કરીને કારણ કે રશિયાએ યુદ્ધની શરૂઆતમાં તેના મોટા પરમાણુ શસ્ત્રાગાર તરફ ધ્યાન દોર્યું હતું. દક્ષિણ-પૂર્વ યુક્રેનમાં સ્થિત ઝાપોરિઝ્ઝ્યામાં યુરોપનો સૌથી મોટો પરમાણુ પાવર પ્લાન્ટ જોખમમાં છે.
આજે યુક્રેન સોવિયેત રશિયાથી આઝાદ થયું હતું
વાસ્તવમાં 24 ઓગસ્ટ 1991ના રોજ એટલે કે 30 વર્ષ પહેલા યુક્રેને સોવિયત રશિયાથી આઝાદીની જાહેરાત કરી હતી. આઝાદ થતાંની સાથે જ યુક્રેને રશિયન પ્રભાવથી છૂટકારો મેળવવાનો પ્રયાસ શરૂ કર્યો અને આ માટે તેણે પશ્ચિમી દેશો સાથેની નિકટતા વધારી. 2010 માં, રશિયા સમર્થિત વિક્ટર યાનુકોવિચ યુક્રેનના રાષ્ટ્રપતિ બન્યા. યાનુકોવિચે રશિયા સાથે ગાઢ સંબંધો બનાવ્યા અને યુરોપિયન યુનિયનમાં જોડાવાના યુક્રેનના નિર્ણયને નકારી કાઢ્યો. જેનો યુક્રેનમાં જોરદાર વિરોધ થયો હતો. આ કારણોસર વિક્ટર યાનુકોવિચને 2014માં પદ છોડવું પડ્યું હતું.
ડિસેમ્બર 2021માં નાટોમાં જોડાવાની જાહેરાત કરી
જે બાદ 2014માં યુક્રેનના રાષ્ટ્રપતિ બનેલા પેટ્રો પોરોશેન્કોએ યુરોપિયન યુનિયન સાથે ડીલ પર હસ્તાક્ષર કર્યા હતા. વિરોધમાં, 2014 માં, રશિયાએ યુક્રેનિયન શહેર ક્રિમિયા પર આક્રમણ કર્યું અને તેના પર કબજો કર્યો. પછી ડિસેમ્બર 2021 માં, યુક્રેનના રાષ્ટ્રપતિ વોલોડિમિર ઝેલેન્સકીએ નાટોમાં જોડાવાની જાહેરાત કરી, જેણે રશિયાને નારાજ કર્યું અને 24 ફેબ્રુઆરી 2022 ના રોજ યુક્રેન પર હુમલો કર્યો. તમને જણાવી દઈએ કે, યુક્રેનની રશિયા સાથે 2 હજાર કિલોમીટરથી વધુની સરહદ છે. રશિયાને ડર છે કે જો યુક્રેન નાટોમાં જોડાશે તો નાટો દળો રશિયન સરહદ સુધી પહોંચી જશે.
