રાજસ્થાન બોર્ડ ઓફ સેકન્ડરી એજ્યુકેશન (RBSE) દ્વારા 12મા ધોરણનું પરિણામ 2026 આજે, 31 માર્ચના રોજ સત્તાવાર રીતે જાહેર કરવામાં આવ્યું છે. રાજ્યના શિક્ષણ મંત્રી મદન દિલાવરે સવારે 10:00 વાગ્યે આ પરિણામ જાહેર કરતા લાખો વિદ્યાર્થીઓ અને તેમના વાલીઓની આતુરતાનો અંત આવ્યો હતો. પરિણામ જાહેર થતાં જ વિદ્યાર્થીઓમાં ઉત્સાહ અને રાહતનો માહોલ જોવા મળ્યો હતો. આ વર્ષે 12મા ધોરણની પરીક્ષામાં ભાગ લેનાર વિજ્ઞાન, કલા અને વાણિજ્ય પ્રવાહના વિદ્યાર્થીઓ માટે ખાસ મહત્વનો દિવસ રહ્યો છે. પરિણામ જાહેર થયા બાદ તુરંત જ બોર્ડની સત્તાવાર વેબસાઇટ rajeduboard.rajasthan.gov.in પર સીધી લિંક સક્રિય કરવામાં આવી હતી, જેના કારણે વિદ્યાર્થીઓ સરળતાથી પોતાનું પરિણામ ઓનલાઈન તપાસી શકે છે.
વિદ્યાર્થીઓને પોતાનું પરિણામ જોવા માટે તેમના રોલ નંબરની જરૂર પડશે. વેબસાઇટ પર લૉગિન કર્યા પછી, તેઓ તેમના માર્ક્સ, વિષયવાર ગુણ અને કુલ ટકાવારી જોઈ શકે છે. સાથે સાથે, ડિજિટલ માર્કશીટ પણ ડાઉનલોડ કરવાની સુવિધા ઉપલબ્ધ કરવામાં આવી છે, જેથી વિદ્યાર્થીઓ ભવિષ્યમાં તેનો ઉપયોગ કરી શકે. બોર્ડ દ્વારા પરિણામ સાથે ટોપર્સની યાદી, કુલ પાસ ટકાવારી અને વિવિધ જિલ્લાઓ મુજબના પ્રદર્શનના આંકડા પણ જાહેર કરવામાં આવ્યા છે. દર વર્ષે જેમ આ વર્ષે પણ વિદ્યાર્થીઓ અને વાલીઓએ પરિણામ જાહેર થવાના પહેલા ભારે ઉત્સુકતા દર્શાવી હતી. પરિણામ જાહેર થયા બાદ સોશિયલ મીડિયા અને શૈક્ષણિક વર્તુળોમાં ચર્ચા શરૂ થઈ ગઈ હતી. અને વિદ્યાર્થીઓએ તેમના સફળતાનો આનંદ વ્યક્ત કર્યો હતો.
