નવી દિલ્હી: રાજધાની પેરિસ (Paris) સહિત આખાય ફ્રાન્સમાં (France) છેલ્લા કેટલાય દિવસથી હિંસા (Riots) ફાટી નીકળી છે. 17 વર્ષની નાહેલના (Nahel Death) મોત બાદ ફ્રાન્સમાં તોફાનો ફાટી નીકળ્યા છે. આ તોફાનને ફ્રાન્સમાં દાયકાનું સૌથી ખરાબ તોફાન ગણાવવામાં આવી રહ્યું છે. પ્રદર્શનકારીઓ અહીં ખુલ્લેઆમ અંધાધૂંધ ગોળીબાર કરી રહ્યા છે.
ફ્રાન્સમાં 27 જૂનના રોજ સગીર નાહેલના મોત બાદ અહીં હિંસા ફાટી નીકળી છે. પેરિસમાં ટ્રાફિક પોલીસ દ્વારા ચેકિંગ દરમિયાન નાહેલને પોલીસે ગોળી મારી હતી જેના કારણે નાહેલનું મોત થયું હતું. પોલીસકર્મીઓએ આ બાબતે કહ્યું કે છોકરા પાસે વાહન ચલાવવાનું લાઇસન્સ ન હતું. ચેકિંગ દરમિયાન છોકરાએ ટ્રાફિક પોલીસને વાહનથી કચડી નાખવાનો પ્રયાસ કર્યો હતો. પોલીસે બચાવમાં છોકરાને ગોળી મારી હતી જે તેને વાગી હતી. હિંસાના પગલે ફ્રાન્સની પોલીસે 1300થી વધુ લોકોની ધરપકડ કરી છે.
નાહેલની માતાએ તેના મૃત્યુ પર દુખ અને નારાજગી વ્યક્ત કરી હતી. નાહેલની માતાએ તેના પુત્રનો જીવ લેનાર વ્યક્તિ પર આરોપ લગાવતા કહ્યું કે આ મામલામાં હું માત્ર એક જ વ્યક્તિને દોષી ઠેરવી રહ્યો છું, જેણે મારા પુત્રનો જીવ લીધો. જણાવી દઈએ કે જ્યારે નાહેલના મોતના સમાચાર આખા ફ્રાન્સમાં ફેલાઈ ગયા તો ચારેબાજુ હંગામો અને રમખાણો શરૂ થઈ ગયા હતા.
ફ્રાન્સના રાષ્ટ્રપતિ મેક્રો જર્મનીના પ્રવાસે જવાના હતા. પરંતુ દેશમાં હિંસાને કારણે તેણે જર્મનીનો પ્રવાસ રદ કર્યો હતોય. ઇમેન્યુઅલ મેક્રોને દેશમાં ફેલાતા રમખાણોને લઈને એક જ રાતમાં 45,000 થી વધુ પોલીસ અધિકારીઓ સાથે બખ્તરબંધ વાહનો તૈનાત કર્યા હતા.
નાહેલનો કોઈ ગુનાહિત રેકોર્ડ નહોતો
પીડિતાના પરિવારના વકીલનું કહેવું છે કે નાહેલ ડિલિવરી મેન તરીકે કામ કરતો હતો. તે રમતગમતમાં રસ ધરાવતો છોકરો હતો. તે પોતાના વિસ્તારના યુવાનોને રમત-ગમત પ્રત્યે જાગૃત કરવાનું કામ કરતો હતો. નાહેલનો કોઈ ગુનાહિત રેકોર્ડ નહોતો. જો કે પોલીસે નાહેલ પર બેદરકારીથી ડ્રાઇવિંગ કરવાનો આરોપ લગાવ્યો હતો.
