દેશમાં ઇતિહાસની ઘટનાઓ પર આધારિત તમામ ફિલ્મોનો વિરોધ કર્યા પછી, કરણી સેના હવે ઓટીટી પ્લેટફોર્મ પર પ્રસારિત થનારી વેબ સિરીઝ “તાંડવ” (TANDAV)ના વિરોધ કરવા પર ઉતરી છે. દેશભરમાં આ વેબ સિરીઝના વિરોધ વચ્ચે કરણી સેનાએ તાંડવ સામે કોર્ટની લડત લડવાની વાત કરી છે. ભૂતકાળમાં આવી ઘણી ફિલ્મોમાં ઐતિહાસિક ઘટનાઓ અથવા રાજવંશ પર આધારિત ફિલ્મ્સના વિરોધને કારણે કરણી સેના (KARNI SENA) ચર્ચામાં રહી છે. કરણી સેના દ્વારા કરવામાં આવેલા વિરોધની યાદીમાં પદ્માવત, જોધા અકબર અને મણિકર્ણિકા જેવી ફિલ્મનો સમાવેશ થાય છે.
કરણી સેનાના રાજ્ય મહામંત્રી શ્વેતરાજસિંહે વેબ સીરીઝ ‘તાંડવ’નો વિરોધ કરવા સામે આવતાં કહ્યું હતું કે, વેબ સિરીઝ (WEB SERIES)માં જે રીતે સનાતન સંસ્કૃતિ સાથે હિન્દુ ધર્મની ભૂમિકા ભજવવામાં આવી રહી છે, તેને કોઈપણ રીતે સહન કરવામાં આવશે નહીં. તેમણે માંગણી કરી છે કે જો હિન્દુ ધર્મ સનાતન સંસ્કૃતિ સાથે રમનારી વેબ સિરીઝ પર પ્રતિબંધ ન મૂકવામાં આવે તો કરણી સેના કોર્ટમાં પીઆઈએલ દાખલ કરશે. શ્વેતા રાજ સિંહે માંગ કરી છે કે વેબ સિરીઝ માટે પણ સેન્સર બોર્ડ બનાવવામાં આવે.
2006 માં થઇ હતી રચના
ગયા વર્ષે તેના વિરોધથી ચર્ચામાં આવેલી કરણી સેનાની વાર્તા ખૂબ જ રસપ્રદ છે. 2006માં કેટલાક બેરોજગાર રાજપૂત યુવાનોએ કરણી સેનાની રચના કરી હતી, જે આજે રાજસ્થાનમાં આ સમુદાયનો ચહેરો (FACE) બની છે. જો કે, આ સંગઠન હજી પણ કેટલાક જૂથોમાં વહેંચાયેલું છે. તેમાંથી લોકેન્દ્રસિંહ કાલવીના નેતૃત્વમાં શ્રી રાજપૂત કરણી સેના, અજિતસિંહ મામદોલીના નેતૃત્વમાં શ્રી રાષ્ટ્રીય રાજપૂત કરણી સેના સમિતિ અને સુખદેવસિંહ ગોગામેદીની આગેવાનીમાં શ્રી રાષ્ટ્રીય રાજપૂત કરણી સેના સૌથી અસરકારક છે.
જોધા અકબરનો પણ કર્યો હતો વિરોધ
કરણી સેના 2006 માં પ્રથમ ચર્ચામાં આવી હતી. આ સમય દરમિયાન, કલાવીએ ફિલ્મ નિર્માતા આશુતોષ ગોવારિકરની ફિલ્મ ‘જોધા અકબર’ નો વિરોધ કર્યો હતો. તેમણે આરોપ લગાવ્યો કે ફિલ્મમાં ઐતિહાસિક (historical) તથ્યો સાથે ચેડા કરવામાં આવ્યા છે. બાદમાં આ ફિલ્મ રાજસ્થાનમાં રિલીઝ થઈ શકી નહીં. વર્ષ 2013 માં, આ સંસ્થા ફરીથી ચર્ચામાં આવી. કરણી સેનાએ અનામતની માંગ કરતા કોંગ્રેસના ચિંતન શિબિરને નિશાન બનાવવાની ધમકી આપી હતી.
