ઈરાન કહે છે: જરૂર પડે તો અમેરિકા જ બહાર જાય
આગામી FIFA World Cup 2026 પહેલા જ રાજકીય તણાવ ફૂટબોલ સુધી પહોંચી ગયો છે. ઈરાનની રાષ્ટ્રીય ફૂટબોલ ટીમે અમેરિકાના પૂર્વ રાષ્ટ્રપતિ Donald Trumpના નિવેદન પર કડક જવાબ આપ્યો છે અને કહ્યું છે કે તેમને ટૂર્નામેન્ટમાંથી કોઈ પણ હટાવી શકતું નથી.
તાજેતરમાં અમેરિકા અને ઇઝરાયેલે ઈરાન પર સંયુક્ત મિસાઇલ હુમલો કર્યો હતો, જેમાં ઈરાનના સુપ્રીમ લીડર Ali Khameneiના મોત થયા હોવાનું જણાવાયું છે. આ હુમલા બાદ બંને દેશો વચ્ચે ભારે તણાવ વધ્યો છે અને હવે તેની અસર રમતગમત પર પણ દેખાઈ રહી છે. આ સંજોગોમાં ચર્ચા ચાલી રહી છે કે ઈરાન આ વર્ષે યોજાનારા વર્લ્ડ કપમાં ભાગ લેશે કે નહીં. તે પણ એક સવાલ છે ,આ ટૂર્નામેન્ટ United States, Canada અને Mexicoમાં યોજાવાનો છે.
ઈરાનના રમતગમત મંત્રીએ પહેલા કહ્યું હતું કે હાલની પરિસ્થિતિમાં ટીમ માટે ભાગ લેવું મુશ્કેલ બની શકે છે. તેના જવાબમાં ટ્રમ્પે પોતાના સોશિયલ પ્લેટફોર્મ પર લખ્યું કે ઈરાનની ટીમ વર્લ્ડ કપમાં આવકાર્ય છે, પરંતુ તેમની “સુરક્ષા અને જીવન માટે” તેમને ટૂર્નામેન્ટથી દૂર રહેવું જોઈએ.
પરંતુ હવે ઈરાનની રાષ્ટ્રીય ટીમે સખત પ્રતિસાદ આપ્યો છે. ટીમે સ્પષ્ટ કહ્યું કે તેઓને ટૂર્નામેન્ટમાંથી બહાર કરવું શક્ય નથી.
ટીમના નિવેદનમાં કહેવામાં આવ્યું કે: “વર્લ્ડ કપ એક ઐતિહાસિક અને આંતરરાષ્ટ્રીય સ્પર્ધા છે અને તેનું આયોજન FIFA કરે છે, કોઈ એક દેશ નહીં.”
ઈરાનએ વધુમાં ઉમેર્યું કે તેમની ટીમે સતત જીત મેળવીને અધિકાર સાથે આ ટૂર્નામેન્ટ માટે ક્વોલિફાય કર્યું છે અને તેઓ આ મહત્ત્વપૂર્ણ સ્પર્ધામાં ભાગ લેવા તૈયાર છે. ટીમે એ પણ સૂચવ્યું કે જો સુરક્ષાનો પ્રશ્ન છે તો અમેરિકા પોતે જ ટૂર્નામેન્ટથી દૂર રહેવું જોઈએ, કારણ કે યજમાન દેશ તરીકે તમામ ટીમોની સુરક્ષા સુનિશ્ચિત કરવી તેની જવાબદારી છે.
આ સમગ્ર મુદ્દા પછી હવે નજર FIFA પર છે કે તે આ રાજકીય તણાવ વચ્ચે શું નિર્ણય લે છે. ફૂટબોલ જગતમાં આ વિવાદ આગામી દિવસોમાં વધુ ઉગ્ર બનવાની શક્યતા છે.
