1 ઓગસ્ટ, 2021 એટલે કે આવતીકાલથી ભારત (India)માં પૈસા અને નાણાં સંબંધિત પાંચ મોટા ફેરફારો થવા જઈ રહ્યા છે. આ ફેરફારોની સીધી અસર તમારા જીવન પર પડશે. જ્યાં એક તરફ તમને આ નવા નિયમો (New rules)થી રાહત મળશે, તો બીજી બાજુ, જો તમે કેટલીક બાબતોનું ધ્યાન નહીં રાખો તો તમને આર્થિક નુકસાન પણ થઈ શકે છે. અને આ નિયમોમાં ફેરફાર તમારા ખિસ્સા પર અસર (Effect on pocket) કરશે. આની અસર તમારા ઘરના બજેટ પર પણ પડશે.
ATMમાંથી નાણાં ઉપાડવા માટે કરવી પડશે વધુ ચૂકવણી
ઓગસ્ટ 2021 સુધીમાં રિઝર્વ બેંક ઓફ ઈન્ડિયા (RBI) ની બેન્કોએ નાણાકીય વ્યવહારો માટે પ્રતિ ટ્રાન્ઝેક્શન ફી રૂ. 15 થી વધારી 17 રૂપિયા અને તમામ કેન્દ્રોમાં બિન નાણાકીય વ્યવહાર માટે પાંચ રૂપિયથી વધારો 6 રૂપિયા થશે. આરબીઆઈએ કહ્યું છે કે એટીએમના સ્થાપન અને જાળવણીના ખર્ચમાં વધારો થવાને કારણે ફીમાં વધારો કરવામાં આવ્યો છે. જો એક બેંકનો ગ્રાહક તેના કાર્ડનો ઉપયોગ કરીને બીજી બેંકના એટીએમમાંથી નાણાં ઉપાડે છે, તો જે બેંકના એટીએમમાંથી પૈસા ઉપાડવામાં આવે છે તે બેંક એક વેપારી બેંક બની જાય છે. આવી સ્થિતિમાં, તમારી બેંકે વેપારી બેંકને ચોક્કસ ફી ચૂકવવી પડે છે, જેને એટીએમ ઇન્ટરચેન્જ ફી કહેવાય છે.
ગેસ સિલિન્ડરોની કિંમતો
તેલ કંપનીઓ દર મહિને એલપીજી સિલિન્ડરના ભાવની સમીક્ષા કરે છે. રાજ્ય પ્રમાણે રાજ્યમાં ટેક્સ બદલાય છે અને એલપીજીના ભાવ તે મુજબ બદલાય છે. ઘરેલું રાંધણ ગેસ સિલિન્ડરની કિંમત ઓગસ્ટથી બદલાશે. જુલાઈમાં ઓઈલ માર્કેટિંગ કંપનીઓએ 14.2 કિલો એલપીજી સિલિન્ડરની કિંમતમાં 25.50 રૂપિયાનો વધારો કર્યો હતો. તે જ સમયે, 19 કિલોના સિલિન્ડરમાં 76 રૂપિયાનો વધારો કરવામાં આવ્યો હતો.
NACH: બેંકમાં રજા હોય તો પણ પગાર ખાતામાં જમા કરવામાં આવશે
નેશનલ ઓટોમેટેડ ક્લિયરિંગ હાઉસ (NACH) 1 ઓગસ્ટથી દરરોજ ઉપલબ્ધ રહેશે. રિઝર્વ બેંક ઓફ ઇન્ડિયા (RBI) ના ગવર્નર શક્તિકાંત દાસે આ જાહેરાત કરી હતી. અગાઉ આ સેવા બેંકોના તમામ કામકાજના દિવસોમાં ઉપલબ્ધ હતી. NACH એક એવી બેન્કિંગ સુવિધા છે, જેના દ્વારા કંપનીઓ અને સામાન્ય માણસ દર મહિનાના મહત્વના વ્યવહારો સરળતાથી કરી લે છે. હવે 1 ઓગસ્ટ, 2021 થી, આ સુવિધા અઠવાડિયાના તમામ દિવસો પર ઉપલબ્ધ રહેશે.
IPPB ડોર સ્ટેપ બેંકિંગ ફીસ
ઇન્ડિયા પોસ્ટ પેમેન્ટ બેંક (IPPB) ભારત સરકારના પોસ્ટ વિભાગ અને સંદેશાવ્યવહાર મંત્રાલય હેઠળ જાહેર ક્ષેત્રની બેંક છે. ઓગસ્ટથી, તમારે IPPB ની ડોર સ્ટેપ બેંકિંગ સુવિધા મેળવવા માટે ફી ચૂકવવી પડશે. હવે દર વખતે ગ્રાહકોએ ડોર સ્ટેપ બેન્કિંગ સુવિધા માટે 20 રૂપિયાની સાથે GST ચૂકવવો પડશે. જ્યારે આ પહેલા આ સુવિધા એકદમ ફ્રી હતી. વિવિધ પ્રકારની સેવાઓ માટે, બેંક સેવા દીઠ 20 રૂપિયા વત્તા GST ચાર્જ કરશે. ગ્રાહકે મની ટ્રાન્સફર અને મોબાઇલ પેમેન્ટ વગેરે માટે 20 રૂપિયાની સાથે જીએસટી પણ ચૂકવવો પડશે.
ICICI બેંકના ગ્રાહકોને વધુ ચાર્જ ચૂકવવો પડશે
ICICI બેન્કે તેના ગ્રાહકોને આંચકો આપ્યો છે. બેંકે કેશ ટ્રાન્ઝેક્શન, એટીએમ ઇન્ટરચેન્જ અને ચેક બુક ચાર્જના નિયમોમાં ફેરફાર કર્યો છે. ગ્રાહકો બેંક શાખામાં માત્ર ચાર વખત ચેક દ્વારા મફત રોકડ વ્યવહાર કરી શકશે. તે પછી જ્યારે પણ તમે પૈસા જમા કરશો અથવા ઉપાડશો ત્યારે તમારે 150 રૂપિયા ચૂકવવા પડશે. તમારે મેટ્રો શહેરોમાં 20 રૂપિયા અને અન્ય શહેરોમાં 8.50 રૂપિયા ચૂકવવા પડશે. ગ્રાહકોને એક વર્ષમાં 25 પાનાની ચેકબુક મફત મળશે. આ પછી, દરેક 10 પાના માટે 20 રૂપિયાનો ચાર્જ ચૂકવવો પડશે.
