નવી દિલ્હી: મેક્સિકોના (Mexico) ગુઆનાજુઆટોના ઇરાપુઆટોમાં એક બારમાં રવિવારે (16 ઓક્ટોબર)ના રોજ એક સશસ્ત્ર વ્યક્તિએ ગોળીબાર (Firing) કર્યો હતો. આ ઘટનામાં છ પુરુષો અને છ મહિલાઓ સહિત 12 લોકોના મોત (Death) થયા હતા. સ્થાનિક પ્રશાસને ટ્વિટર (Twitter) દ્વારા આ માહિતી આપી હતી. તેમણે કહ્યું કે આરોપીઓને પકડવા માટે સર્ચ ઓપરેશન શરૂ કરવામાં આવ્યું છે. આશા છે કે તે જલ્દી પકડાઈ જશે. જણાવી દઈએ કે લગભગ એક મહિના પહેલા દક્ષિણ પશ્ચિમ મેક્સિકોમાં ગોળીબારની ઘટના બની હતી, જેમાં 18 લોકોએ જીવ ગુમાવ્યા હતા. જણાવી દઈએ કે છેલ્લા કેટલાક સમયથી મેકિસકોમાં ગોળીબારની ધટનાઓ બની રહી છે. જેના પગલે લોકોમાં ભયનો માહોલ જોવા મળી રહ્યો છે.
આ સમગ્ર મામલો છે
મળતી માહિતી અનુસાર ગુરેરો રાજ્યના સિટી હોલમાં બંદૂકધારીઓએ ગોળીબાર કર્યો. જેમાં શહેરના મેયર સહિત 12 લોકોના મોત થયા હતા. જણાવવામાં આવી રહ્યું છે કે હુમલાખોરે અનેક રાઉન્ડ ગોળીબાર કર્યો, જેના કારણે લોકો બચવા માટે અહીં-ત્યાં દોડતા જોવા મળ્યા. ધટનાના પગલે અફરા તફરીનો માહોલ થઈ ગયો હતો.
20 લોકોના મોતની આશંકા છે
મેક્સિકન પત્રકાર જેકબ મોરાલેસે પણ આ ઘટના વિશે ટ્વિટ કર્યું. તેમણે કહ્યું કે આ મામલામાં 20થી વધુ લોકોના મોત થવાની આશંકા છે, જેમાં 12 વર્ષના બાળકના મોતની પુષ્ટિ થઈ છે. જણાવી દઈએ કે ગુરેરો વાયોલેન્સિયાના આંતરિક ભાગમાં છે, જ્યાં હાલમાં મેળાની તૈયારીઓ ચાલી રહી છે. ગ્યુરેરોના ગવર્નર એવલિન પિનેડાએ મેયર કોનરાડો મેન્ડોઝા અલ્મેડાની હત્યા અને ઘટના અંગે શોક વ્યક્ત કર્યો હતો. જણાવી દઈએ કે મેક્સિકોમાં છેલ્લા કેટલાક દિવસથી સતત ફાયરિંગની ઘટનાઓ સામે આવી રહી છે. લગભગ એક મહિના પહેલા દક્ષિણ પશ્ચિમ મેક્સિકોમાં ગોળીબારની ઘટના બની હતી, જેમાં 18 લોકોએ જીવ ગુમાવ્યા હતા.
