પશ્ચિમ રેલવેના મુંબઈ સેન્ટ્રલ ડિવિઝન દ્વારા નવસારી અને મરોલી વચ્ચે RH ગાર્ડ ડી-લૉન્ચિંગની કામગીરી માટે મેગા બ્લોક જાહેર કરવામાં આવ્યો છે. આ કામગીરીને કારણે અમદાવાદ-મુંબઈ મેઈન લાઇન પર દોડતી કેટલીક ટ્રેનોના સમયમાં ફેરફાર કરવામાં આવ્યા છે અને ટ્રેન વ્યવહાર પર અસર પડશે. રેલવે મુજબ, કામગીરી બે તબક્કામાં હાથ ધરાશે. આવતીકાલે 9 માર્ચે સવારે 10:00 વાગ્યાથી બપોરે 2:00 વાગ્યા સુધી ડાઉન મેઈન લાઇન પર બ્લોક રહેશે, જ્યારે 10 માર્ચે બપોરે 12:00 વાગ્યાથી 3:00 વાગ્યા સુધી અપ અને ડાઉન બંને લાઇન પર કામગીરી થશે. આ કારણે કેટલીક ટ્રેનો રી-શેડ્યૂલ કરવામાં આવી છે. ટ્રેન નંબર 19016 પોરબંદર–દાદર એક્સપ્રેસ 9 માર્ચે પોરબંદરથી લગભગ 1 કલાક 10 મિનિટ મોડે રવાના થશે. ટ્રેન નંબર 20968 પોરબંદર–સિકંદરાબાદ એક્સપ્રેસ 10 માર્ચે પોરબંદરથી 1 કલાક 10 મિનિટ મોડેથી ઉપડશે.
આ સિવાય ભીવાની એક્સપ્રેસ, બાંદ્રા–લાલકુવા એક્સપ્રેસ, દાદર-પોરબંદર એક્સપ્રેસ અને દિલ્હી સરાઈ રોહિલા એક્સપ્રેસના સમયમાં પણ ફેરફાર કરાયા છે. સાથે જ ટ્રેન નંબર 09055 બાંદ્રા ટર્મિનસ-ઉધના સ્પેશિયલ ટ્રેન 10 માર્ચે ઉધના સુધી જવાની બદલે બિલીમોરા સ્ટેશન સુધી જ જશે. જ્યારે ટ્રેન નંબર 09056 ઉધના-બાંદ્રા ટર્મિનસ સ્પેશિયલ ટ્રેન ઉધનાની બદલે બિલીમોરાથી ફરી રવાના થશે. રેલવે દ્વારા મુસાફરોને મુસાફરી પહેલાં ટ્રેનોના સમય અને વ્યવસ્થા અંગે માહિતી તપાસી લેવા અપીલ કરવામાં આવી છે.
