મુંબઈ: બોલિવૂડ (Bollywood) એકટ્રેસ મલાઈકા અરોરા (Malaika Arora) કોઈને કોઈ કારણસર ચર્ચામાં રહે છે. મલાઈકા તેની લવ લાઈફના કારણે, તેની ચાલ અને ડાંસના કારણે સોશિયલ મીડિયા (Social Media) પર ચર્ચાનો વિષય બનતી હોય છે. હાલમાં અર્જુન કપૂરના (Arjun Kapoor) જન્મદિવસની પાર્ટીનો વીડિયો વાઈરલ થયો છે જેમાં તે ડાન્સ કરતી જોવા મળે છે. મલાઈકાના ડાન્સે પાર્ટીમાં તો ચાર ચાંદ લગાવી દીધા હતા જો કે તેના આ વીડિયો પર ફેન્સ તરફથી એવી પ્રતિક્રિયા આવી રહી છે જેને જોઈને તમે પણ ચોંકી જશો.
અર્જુન કપૂરન આજે પોતાનો 38મો જન્મદિવસ ઉજવી રહ્યો છે. તેણે પોતાના ઘરે મિડનાઈટ પાર્ટી રાખી હતી. આ પાર્ટીમાં તેના ઘણા નજીકના મિત્રો અને ગર્લફ્રેન્ડ મલાઈકા અરોરા પણ પહોંચી હતી. આ પાર્ટીનો એક વીડિયો સામે આવ્યો છે. આ વીડિયોમાં મલાઈકા તેના ડાન્સ મૂવ્સથી ધૂમ મચાવી રહી છે. અભિનેત્રીએ છૈયા છૈયા ગીત પર જોરદાર ડાન્સ કર્યો હતો. તેણે બેલી ડાન્સના ઘણા મૂવ્સ પણ કર્યા હતા. આસપાસ ઉભેલા લોકો તેના ચાહકોની જેમ બૂમો પાડવા લાગ્યા હતા. વીડિયોમાં તેનો બોયફ્રેન્ડ અર્જુન કપૂર ક્યાંય દેખાતો નથી.
આ વીડિયો વાઈરલ થતાં જ લોકોએ કોમેન્ટ કરવાનું શરૂ કર્યું હતું જેમાં ઘણાંએ લખ્યુ હતું કે ટુ બી નોરા ફતેહી જ્યારે ઘણાંએ કોમેન્ટ કરી હતી કે આ ડ્રગ્સનો કમાલ છે. કોમેન્ટમાં કોઈકે તેને આન્ટી પણ કહી હતી.
મલાઈકા અરોરાએ આ પાર્ટીમાં કલરફુલ બોડીકોન ડ્રેસ પહેર્યો છે, જેની સાથે તેણે બુટ સ્ટાઈલ હાઈ હીલ્સ પહેરી છે. આ મલાઈકા અરોરા અને અર્જુન કપૂર બંને છેલ્લા ઘણા સમયથી એકબીજાને ડેટ કરી રહ્યા છે. જો કે અત્યાર સુધી બંનેએ લગ્ન અંગે કોઈ નિર્ણય લીધો નથી. અર્જુન આજે 38 વર્ષનો થઈ ગયો છે. જ્યારે મલાઈકા 49 વર્ષની છે. આવી સ્થિતિમાં બંનેની ઉંમરમાં 11 વર્ષનું અંતર છે.
