મુંબઇ: ભારતી સિંહ (Bharti Singh) ટીવી ઈન્ડસ્ટ્રીની લોકપ્રિય કોમેડિયનમાંથી (Comedian) એક છે. તેણી એવા કોમેડિયનમાંથી એક છે જેઓ હંમેશા દર્શકોને હસાવવામાં સફળ રહ્યા છે. ‘ધ કપિલ શર્મા શો’માં (The Kapil Sharma Show) કમ્મો બુઆ તરીકે પોતાની શાનદાર કોમેડીથી લોકોને હસાવનાર ભારતી સિંહ વિશે ચિંતાજનક સમાચાર સામે આવ્યા છે.
ભારતી સિંહ કોકિલાબેન હોસ્પિટલમાં દાખલ હતી. કોમેડિયને પોતે યુટ્યુબ પર પોતાના વ્લોગ દ્વારા આ માહિતી આપી હતી. યુટ્યુબ પર વ્લોગ શેર કરતી વખતે, ભારતીએ તેની હેલ્થ અપડેટ આપી અને કહ્યું કે તે છેલ્લા ત્રણ દિવસથી ખૂબ જ બીમાર હતી. તેણીએ એ પણ જણાવ્યું કે તે કઈ બીમારીથી પીડિત છે.
ભારતી સિંહ હોસ્પિટલમાં દાખલ
મોસ્ટ પોપ્યુલર કોમેડિયન ભારતી સિંહ તેની પર્સનલ અને પ્રોફેશનલ લાઈફ માટે હંમેશા ચર્ચામાં રહે છે, પરંતુ તેના પુત્રના જન્મથી જ તેણી ગોલા માટે ચર્ચામાં છે. ભારતી તેના પતિ હર્ષ લિમ્બાચિયા સાથે એક યુટ્યુબ ચેનલ પણ ચલાવે છે, જેમાં તેણી પોતાના જીવન સાથે જોડાયેલી દરેક નાની-મોટી અપડેટ ફેન્સ સાથે શેર કરતી રહે છે.
હાલમાં જ ભારતી સિંહે એક વીડિયો શેર કર્યો હતો. આ નવા વીડિયોમાં કોમેડિયન ભારતી સિંહ હોસ્પિટલમાં જોવા મળી રહી છે જ્યાં તેણીએ આ વ્લોગ શૂટ કર્યો હતો. આ વીડિયોમાં તેણી પોતાના દિકરા ગોલાને યાદ કરીને રડવા લાગે છે. તેણીએ હોસ્પિટલમાં દાખલ થવાનું કારણ પણ જણાવ્યું હતું.
આ કારણે ભારતી સિંહ હોસ્પિટલમાં દાખલ છે
ભારતી સિંહે વ્લોગમાં જણાવ્યું કે તેણીને છેલ્લા કેટલાક દિવસોથી પેટમાં તીવ્ર દુખાવો થઈ રહ્યો હતો, ત્યારબાદ ડોક્ટરે તેણીને હોસ્પિટલમાં દાખલ કરી હતી. ભારતી સિંહે જણાવ્યું કે તેણીને ત્રણ દિવસથી પેટમાં દુખાવો થઈ રહ્યો હતો. પહેલા તો તેણીને લાગ્યું કે તેને એસિડિટી છે.
પરંતુ આ દર્દના કારણે ભારતી સિંહ અને તેમના પતિ હર્ષ લિમ્બાચીયાને ઊંઘ ન આવી. જો કે જ્યારે પીડા અસહ્ય થઈ ગઈ, ત્યારે હોસ્પિટલમાં તપાસ કર્યા પછી, તેમને જાણવા મળ્યું કે લાફ્ટર ક્વીનને પિત્તાશયમાં પથરી છે. ભારતી સિંહ હવે ઓપરેશન કરાવવા જઈ રહી છે. હાલ તેણી કોકિલાબેન હોસ્પિટલમાં દાખલ છે. આ સાથે જ તેણીએ ફેન્સને વિનંતી કરી હતી કે જો પીડા અસહ્ય હોય તો તમે પણ જઈને તપાસ કરાવો.
![](https://gujaratmitra.in/wp-content/uploads/2022/04/gujaratmitraDOTin-Copy.png)