Pinarayi Vijayanએ ધર્મડમમાંથી ઉમેદવારી નોંધાવી, ₹1.01 કરોડની મિલકત જાહેર
કેરળના મુખ્યમંત્રી Pinarayi Vijayanએ આવનારી વિધાનસભા ચૂંટણી માટે ધર્મડમ બેઠક પરથી ઉમેદવારી નોંધાવી છે. તેઓ લેફ્ટ ડેમોક્રેટિક ફ્રન્ટ (LDF) તરફથી ઉમેદવાર તરીકે મેદાનમાં છે અને આ તેમની ત્રીજી વખતની ઉમેદવારી છે.
મુખ્યમંત્રી તરીકે તેઓ મોટી પાર્ટીના પ્રથમ ઉમેદવાર બન્યા છે જેમણે આ ચૂંટણી માટે નામાંકન દાખલ કર્યું. તેમણે થલસેરી સ્થિત સબ-રજીસ્ટ્રાર ઓફિસમાં સવારે લગભગ 11 વાગ્યે રિટર્નિંગ ઓફિસર Sachin Krishna સમક્ષ દસ્તાવેજો સબમિટ કર્યા હતા.
આ પ્રસંગે CPI(M)ના નેતાઓ EP Jayarajan, AN Shamseer, KK Rajesh અને P Sasi હાજર રહ્યા હતા. ખાસ વાત એ છે કે વિજયને તેમના નામાંકનનો દિવસ કેરળના પ્રથમ મુખ્યમંત્રી EMS Namboodiripadની પુણ્યતિથિ પર પસંદ કર્યો. આગાઉ પાર્ટીએ વિશાળ રોડશોનું આયોજન કર્યું હતું, પરંતુ વિજયને તે ટાળીને સીધા ઓફિસમાં પહોંચી નામાંકન પ્રક્રિયા પૂર્ણ કરી. લગભગ 15 મિનિટમાં કાર્યવાહી પૂર્ણ કરીને તેઓ માલાપ્પુરમમાં પાર્ટી કાર્યક્રમ માટે રવાના થયા.
રાજકીય કારકિર્દીની વાત કરીએ તો, વિજયન 2016 અને 2021માં ધર્મડમ બેઠક જીત્યા છે. તે ઉપરાંત તેઓ કુથુપારંબા અને થલિપારંબા બેઠક પરથી પણ અનેક વખત વિધાનસભ્ય તરીકે ચૂંટાયા છે.
મિલકતના હિસાબ મુજબ, વિજયને કુલ ₹1.01 કરોડની ચલ અને અચલ મિલકત જાહેર કરી છે, જે 2021ની ₹1.18 કરોડની મિલકત કરતાં ઓછી છે. તેમની પાસે લગભગ ₹45 લાખની ચલ મિલકત છે, જેમાં બેંક ડિપોઝિટ અને શેરનો સમાવેશ થાય છે. તેમજ ₹56 લાખની અચલ મિલકત છે, જેમાં નિવાસ સ્થાન અને કૃષિ જમીનનો સમાવેશ થાય છે. નોંધનીય બાબત એ છે કે તેમની પાસે સોનુ કે વાહન નથી.
તેમની પત્ની કમલા વિજયન પાસે ₹60 લાખની ચલ મિલકત (જેમાં 80 ગ્રામ સોનુ) અને ₹36 લાખની અચલ મિલકત છે. બંને પર કોઈ બાકી દેવું નથી. કાયદાકીય રીતે, વિજયન સામે કુલ 6 કેસ નોંધાયેલા છે, જેમાં SNC-Lavalin case સહિતના મુદ્દાઓ સામેલ છે, જે ચૂંટણીમાં મહત્વનો મુદ્દો બની શકે છે.
