અફઘાનિસ્તાન (Afghanistan)ના કાબુલ એરપોર્ટ (kabul airport)પરથી મોટા સમાચાર સામે આવી રહ્યા છે. અહીં એરપોર્ટની બહાર બોમ્બ બ્લાસ્ટ (bomb blast) થયો હોવાની માહિતી મળી છે. પેન્ટાગોનના પ્રવક્તા દ્વારા આ વાતની પુષ્ટિ કરવામાં આવી છે. જોકે, ઘાયલો (injured) વિશે હજુ કોઈ માહિતી નથી.
જણાવી દઈએ કે અમેરિકા (America), ઓસ્ટ્રેલિયા અને બ્રિટને કાબુલ એરપોર્ટ પર આતંકી હુમલા (Terrorist attack)ની શક્યતા વ્યક્ત કરી હતી. તેમજ તેના નાગરિકોને કાબુલ એરપોર્ટથી દૂર રહેવાની ચેતવણી આપી હતી. અમેરિકન અધિકારીઓએ જણાવ્યું કે કાબુલ એરપોર્ટના એબી ગેટની બહાર એક આત્મઘાતી બોમ્બરે (Bomber) આ ઘટનાને અંજામ આપ્યો છે. કહેવામાં આવી રહ્યું છે કે હુમલાખોર ફાયરિંગ કરતા કરતા આવ્યો અને તેણે પોતાને જ બોમ્બથી ઉડાવી દીધો. મળતી માહિતી મુજબ, એરપોર્ટના આ ગેટ પર ઓસ્ટ્રેલિયન સૈનિકો તૈનાત છે.
અમેરિકાના સંરક્ષણ મંત્રાલયે પણ વિસ્ફોટની પુષ્ટિ કરી છે
અમેરિકી સંરક્ષણ મંત્રાલયે પણ કાબુલ એરપોર્ટના ગેટની બહાર વિસ્ફોટની પુષ્ટિ કરી છે. અમેરિકાના સંરક્ષણ સચિવ જોન કિર્બીએ કહ્યું કે, કાબુલ એરપોર્ટના ગેટ પર મોટો વિસ્ફોટ થયો છે. મૃત્યુઆંકની હજુ સુધી પુષ્ટિ થઈ નથી અને માહિતી મળતાની સાથે જ ઉપલબ્ધ કરાવવામાં આવશે.
અત્યારે અમારું ધ્યાન લોકોને બહાર કાઢવા પર છે: જયશંકર
વિદેશ મંત્રી એસ. જયશંકરે બેઠક વિશે જણાવ્યું કે બેઠકમાં 31 રાજકીય પક્ષોના 37 નેતાઓએ ભાગ લીધો હતો. દરેકના પ્રશ્નનો જવાબ આપવામાં આવ્યો છે, દરેક આ મુદ્દા પર સાથે છે. જયશંકરે માહિતી આપી છે કે અમે સતત લોકોને પાછા લાવી રહ્યા છીએ, મહત્તમ સંખ્યામાં ભારતીયોને પરત લાવવામાં આવ્યા છે. આ સાથે અફઘાન નાગરિકોને પણ ભારત પરત લાવવામાં આવ્યા છે.
વિદેશ મંત્રીએ કહ્યું કે ભારત સરકાર તમામ નાગરિકોને સલામત રીતે પરત લાવવા માટે તૈયાર છે. ભારત હાલમાં તેના તમામ ભાગીદાર દેશોના સંપર્કમાં છે અને તાલિબાનના મુદ્દે વાતચીત ચાલી રહી છે.
