ગાંધીનગર : ઉત્તર – પૂર્વીય – પૂર્વીય પવનના કારણે ગુજરાતમાં કાતિલ ઠંડીનો ચમકારો જોવા મળી રહ્યો છે. ખાસ કરીને આજે બુધવારે રાજયમાં નલિયા તથા અમરેલીમાં 9 ડિ.સે. ઠંડી નોંધાવવા પામી હતી. હવમાન વિભાગના વૈજ્ઞાનિકોના કહેવા મુજબ રાજયમાં હજુયે 72 કલાક માટે ઠંડીનો ચમકારો યથાવત રહેશે.
સૌરાષ્ટ્ર – કચ્છમાં સામાન્ય કરતાં અત્યંત નીચુ તાપમાન નોંધાવવા સાથે કચ્છ અને અમરેલીમાં ઠંડીનો ધ્રુજારો વધી જવા પામ્યો છે. આજે બુધાવરે દિવસ દરમ્યાન અમરેલી અને કચ્છના નલિયામાં ઠંડીનો પારો અચાનક નીચે ગગડી જવા સાથે 9 ડિગ્રીએ પહોંચી ગયો હતો. આગામી 72 કલાક સુધી રાજયમાં કાતિલ ઠંડીનો રાઉન્ડ રહેવાનો છે. જેના પગલે ગુજરાતમાં હવે ઠંડીનો ચમકારો વધવાનો છે.
હવામાન વિભાગના વૈજ્ઞાનિકોના કહેવા મુજબ , હવે આગામી 72 કલાક માટે રાજયમાં કાતિલ ઠંડી અનુભવાશે.હવામાન વિભાગના સુત્રોએ કહ્યું હતું કે રાજયમાં આજે રવિવારે અન્ય શહેરો પૈકી ભૂજમાં 12 ડિ.સે., નલિયામાં 9 ડિ.સે., કંડલા પોર્ટ પર 15 ડિ.સે., કંડલા એરપોર્ટ પર 11 ડિ.સે., અમરેલીમાં 9 ડિ.સે., ભાવનગરમાં 15 ડિ.સે., રાજકોટમાં 11 ડિ.સે., સુરેન્દ્રનગરમાં 13 ડિ.સે., મહુવામાં 14 ડિ.સે., કેશોદમાં 12 ડિ.સે., અમદાવાદમાં 14 ડિ.સે., ડીસામાં 12 ડિ.સે., ગાંધીનગરમાં 12 ડિ.સે., વલ્લભ વિદ્યાનગરમાં 13 ડિ.સે., વડોદરામાં 15 ડિ.સે., સુરતમાં 16 ડિ.સે. અને દમણમાં 17 ડિ.સે., લધુત્તમ તાપમાન નોંધાવવા પામ્યું છે.
