Indian Premier League 2026 માટેનું શરૂઆતના 20 મેચનું શેડ્યૂલ જાહેર થતા ક્રિકેટપ્રેમીઓમાં ભારે ઉત્સાહ જોવા મળી રહ્યો છે. ટુર્નામેન્ટની શરૂઆત 28 માર્ચથી થવાની છે અને પ્રથમ મેચમાં રોયલ ચેલેન્જર્સ બેંગલુરુ (RCB) અને સનરાઈઝર્સ હૈદરાબાદ (SRH) આમને-સામને આવશે. આ મેચ બેંગલુરુમાં સાંજે 7:30 વાગ્યે રમાશે. આગલા દિવસે, 29 માર્ચે મુંબઈ ઇન્ડિયન્સ (MI) અને કોલકાતા નાઇટ રાઈડર્સ (KKR) વચ્ચે મુંબઈમાં ટક્કર થશે, જે IPLના સૌથી લોકપ્રિય મુકાબલાઓમાંથી એક માનવામાં આવે છે. 30 માર્ચે રાજસ્થાન રોયલ્સ (RR) અને ચેન્નાઈ સુપર કિંગ્સ (CSK) વચ્ચે ગુવાહાટીમાં મેચ યોજાશે, જ્યારે 31 માર્ચે પંજાબ કિંગ્સ (PBKS) અને ગુજરાત ટાઇટન્સ (GT) વચ્ચે મુકાબલો મુલાનપુરમાં રમાશે. એપ્રિલ મહિનો પણ રોમાંચથી ભરેલો રહેશે. 1 એપ્રિલે લખનઊ સુપર જાયન્ટ્સ (LSG) અને દિલ્હી કેપિટલ્સ (DC) વચ્ચે લખનઊમાં મેચ થશે. 2 એપ્રિલે કોલકાતા અને હૈદરાબાદ વચ્ચે કોલકાતામાં મેચ યોજાશે. 3 એપ્રિલે ચેન્નાઈ અને પંજાબ વચ્ચે ચેન્નાઈમાં ટક્કર થશે.
4 એપ્રિલે ડબલ હેડર રાખવામાં આવ્યો છે, જેમાં દિલ્હી અને મુંબઈ વચ્ચે બપોરે 3:30 વાગ્યે દિલ્હી ખાતે મેચ રમાશે, જ્યારે સાંજે ગુજરાત અને રાજસ્થાન વચ્ચે અમદાવાદમાં મુકાબલો થશે. 5 એપ્રિલે પણ બે મેચો યોજાશે, જેમાં હૈદરાબાદ-લખનઊ અને બેંગલુરુ-ચેન્નાઈ વચ્ચે રસપ્રદ ટક્કર થશે. ટૂર્નામેન્ટમાં તમામ મોટા શહેરો, મુંબઈ, અમદાવાદ, કોલકાતા, ચેન્નાઈ અને બેંગલુરુ મેચોના કેન્દ્ર બનશે. ખાસ કરીને વીકએન્ડ મેચો ફેન્સ માટે વધુ આકર્ષણનું કેન્દ્ર રહેશે. IPL 2026ની શરૂઆતથી જ મોટા મુકાબલા અને સ્ટાર ખેલાડીઓના પ્રદર્શનને લઈને ઉત્સુકતા વધી રહી છે. આ શેડ્યૂલ દર્શાવે છે કે આ સિઝન પણ રોમાંચ, સ્પર્ધા અને મનોરંજનથી ભરપૂર રહેવાની છે.
મેચ શેડ્યૂલ ટેબલ (પહેલી 20 મેચ)
| મેચ | તારીખ | દિવસ | સમય | સ્થળ |
|---|---|---|---|---|
| RCB vs SRH | 28 માર્ચ | શનિવાર | 7:30 PM | બેંગલુરુ |
| MI vs KKR | 29 માર્ચ | રવિવાર | 7:30 PM | મુંબઈ |
| RR vs CSK | 30 માર્ચ | સોમવાર | 7:30 PM | ગુવાહાટી |
| PBKS vs GT | 31 માર્ચ | મંગળવાર | 7:30 PM | મુલાનપુર |
| LSG vs DC | 1 એપ્રિલ | બુધવાર | 7:30 PM | લખનઊ |
| KKR vs SRH | 2 એપ્રિલ | ગુરુવાર | 7:30 PM | કોલકાતા |
| CSK vs PBKS | 3 એપ્રિલ | શુક્રવાર | 7:30 PM | ચેન્નાઈ |
| DC vs MI | 4 એપ્રિલ | શનિવાર | 3:30 PM | દિલ્હી |
| GT vs RR | 4 એપ્રિલ | શનિવાર | 7:30 PM | અમદાવાદ |
| SRH vs LSG | 5 એપ્રિલ | રવિવાર | 3:30 PM | હૈદરાબાદ |
| RCB vs CSK | 5 એપ્રિલ | રવિવાર | 7:30 PM | બેંગલુરુ |
| KKR vs PBKS | 6 એપ્રિલ | સોમવાર | 7:30 PM | કોલકાતા |
| RR vs MI | 7 એપ્રિલ | મંગળવાર | 7:30 PM | ગુવાહાટી |
| DC vs GT | 8 એપ્રિલ | બુધવાર | 7:30 PM | દિલ્હી |
| KKR vs LSG | 9 એપ્રિલ | ગુરુવાર | 7:30 PM | કોલકાતા |
| RR vs RCB | 10 એપ્રિલ | શુક્રવાર | 7:30 PM | ગુવાહાટી |
| PBKS vs SRH | 11 એપ્રિલ | શનિવાર | 3:30 PM | મુલાનપુર |
| CSK vs DC | 11 એપ્રિલ | શનિવાર | 7:30 PM | ચેન્નાઈ |
| LSG vs GT | 12 એપ્રિલ | રવિવાર | 3:30 PM | લખનઊ |
| MI vs RCB | 12 એપ્રિલ | રવિવાર | 7:30 PM | મુંબઈ |
