કેન્દ્રિય આરોગ્ય મંત્રાલયે મંગળવારે કોરોના વાયરસના ચેપની બીજી લહેરનો સામનો કરી રહેલા દેશમાં રોગચાળાની પરિસ્થિતિ વિશે એક પ્રેસ કોન્ફરન્સ યોજી હતી. આ દરમિયાન મંત્રાલયના જોઇન્ટ સેક્રેટરી લવ અગ્રવાલે કહ્યું કે દેશના આઠ રાજ્યોમાં એક લાખથી વધુ ચેપના કેસ છે. 10 રાજ્યો કોરોના કેસ 50 હજારથી એક લાખની વચ્ચે છે અને 18 રાજ્યોમાં સક્રિય કેસની સંખ્યા 50 હજારથી ઓછી છે. પત્રકાર પરિષદના મુખ્ય મુદ્દાઓ પર નજર નાખીએ તો અગ્રવાલે કહ્યું કે 3 મેના રોજ દેશમાં કોરોનાનો રિકવરી દર 81.7 ટકા હતો, હવે તે વધીને 85.6 ટકા થયો છે. છેલ્લા 24 કલાકમાં 4 લાખ 22 હજાર 436 દર્દીઓ સાજા થયા છે, જે એક દિવસમાં સૌથી વધુ છે. સંયુક્ત સચિવે કહ્યું કે કોરોના ચેપથી પુન:પ્રાપ્તિ માટે સકારાત્મક વલણ જોઇ શકાય છે. તેમણે કહ્યું કે આજે દેશમાં કેસ પોઝિટિવિટી દર 14.10 ટકા છે.
સંયુક્ત સચિવે જણાવ્યું હતું કે દેશમાં 199 જિલ્લાઓ છે જ્યાં છેલ્લા ત્રણ અઠવાડિયાથી નવા કેસો અને સકારાત્મકતામાં સતત ઘટાડો જોવા મળી રહ્યો છે. મંત્રાલયે કહ્યું કે દેશની કુલ વસ્તીના અત્યાર સુધીના 1.8% લોકો કોરોના વાયરસ રોગચાળાથી પ્રભાવિત થયા છે. અમે વસ્તીના બે ટકાની અંદર ચેપ ફેલાવાને રોકવામાં સફળ રહ્યા છીએ. અગ્રવાલે કહ્યું કે છેલ્લા 24 કલાક દરમિયાન સમગ્ર દેશમાં કોરોનાના બે લાખ 63 હજારથી વધુ નવા કેસ નોંધાયા છે. 7 મેના રોજ દેશમાં એક જ દિવસમાં સૌથી વધુ ચાર લાખ 14 હજાર કેસ નોંધાયા હતા. તેની તુલનામાં, આજની તારીખમાં કોરોના કેસોમાં 27% ઘટાડો થયો છે.
