એશિયા કપ 2025ની ફાઇનલમાં ભારતે પાકિસ્તાનને 5 વિકેટથી હરાવીને ખિતાબ પોતાના નામે કર્યો. આ રોમાંચક મુકાબલો અંતિમ ઓવર સુધી ગયો હતો. જ્યાં તિલક વર્માની શાનદાર બેટિંગ ભારત માટે જીતનો આધાર બની હતી.
પાકિસ્તાનની શાનદાર શરૂઆત પરંતુ…
ફાઇનલમાં ભારતના કેપ્ટન સૂર્યકુમાર યાદવે ટોસ જીતીને પ્રથમ બોલિંગ કરવાનો નિર્ણય કર્યો. પાકિસ્તાનની શરૂઆત ખૂબ જ સારી રહી હતી. ઓપનર સાહિબજાદા ફરહાન અને ફખર ઝમાનએ પ્રથમ વિકેટ માટે 84 રનની ભાગીદારી કરી હતી. ફરહાને 38 બોલમાં 57 રન કર્યા, જેમાં પાંચ ચોગ્ગા અને ત્રણ છગ્ગા સામેલ હતા. જોકે ફખર ઝમાનએ 35 બોલમાં 47 રન બનાવ્યા હતા. એક સમયે પાકિસ્તાનનો સ્કોર 113/2 હતો પરંતુ ત્યારબાદ બાકીના આઠ વિકેટ ફક્ત 33 રનમાં ખોવાઈ ગયા હતા.
ભારતીય બોલરોમાં કુલદીપ યાદવએ શાનદાર સ્પેલ ફેંકીને ચાર વિકેટ લીધી હતી. જસપ્રીત બુમરાહ, વરુણ ધવન અને અક્ષર યાદવે બે-બે વિકેટ લીધી હતી. આખરે પાકિસ્તાન 19.1 ઓવરમાં 146 રનમાં ઓલઆઉટ થયું.
ભારતની નબળી શરૂઆત પછી તિલક વર્માનો કમાલ
147 રનના લક્ષ્યનો પીછો કરવા ઉતરેલી ભારતીય ટીમની શરૂઆત ખરાબ રહી હતી. અભિષેક શર્મા માત્ર 5 રનમાં આઉટ થયો. જ્યારે ઉપ-કેપ્ટન શુભમન ગિલ માત્ર 12 રન બનાવી શક્યો. કેપ્ટન સૂર્યકુમાર યાદવ પણ નિષ્ફળ ગયો અને ફક્ત 1 રન બનાવી શક્યો હતો. સંજુ સેમસને 21 બોલમાં 24 રન કર્યા પરંતુ તે પણ લાંબી ઇનિંગ્સ રમવામાં નિષ્ફળ રહ્યો. ભારત 77 રન પર ચાર વિકેટ ગુમાવી ચૂક્યું હતું અને સ્થિતિ કઠિન બની હતી.
એવામાં તિલક વર્મા અને શિવમ દુબેએ ઇનિંગ્સને સંભાળ્યો. બંનેએ પાંચમી વિકેટ માટે 60 રનની ભાગીદારી કરી હતી. દુબેએ 22 બોલમાં 33 રન બનાવીને ટીમને જીતની નજીક લાવી દીધો પરંતુ 19મી ઓવરના અંતિમ બોલ પર આઉટ થયો. અંતે તિલક વર્માએ અડધી સદી ફટકારી અને 53 બોલમાં 69 રન સાથે અણનમ રહ્યો. તેની ઇનિંગ્સમાં ત્રણ ચોગ્ગા અને ચાર છગ્ગા સામેલ હતા.
ભારતીએ 147 રનનો લક્ષ્ય અંતિમ ઓવરમાં પૂર્ણ કરીને પાકિસ્તાનને 5 વિકેટથી હરાવ્યું. આ જીત સાથે ભારતે ફરી એકવાર એશિયા કપનું ચેમ્પિયનશિપ ટ્રોફી જીતી. તિલક વર્માની અણનમ ઇનિંગ્સને કારણે ભારતે દબાણભરી પરિસ્થિતિમાંથી બહાર આવીને વિજય મેળવ્યો.
આ મેચમાં જ્યાં કુલદીપ યાદવની બોલિંગે પાકિસ્તાનને ઢાળી દીધું ત્યાં તિલક વર્માની બેટિંગે ભારતને વિજય અપાવ્યો. ફાઇનલનો આં મુકાબલો એશિયા કપના ઈતિહાસમાં એક યાદગાર અધ્યાય બની ગયો છે.
