નવી દિલ્હી: વર્લ્ડ હેલ્થ ઓર્ગેનાઈઝેશન (WHO) એ મેડ ઈન ફાર્માસ્યુટિકલ્સ ઓફ ઈન્ડિયા(Made in Pharmaceuticals of India) દ્વારા બનાવવામાં આવેલી ઉધરસ અને શરદી(Cough and cold) માટે 4 દવા(Tablet)ઓ અંગે ચેતવણી જાહેર કરી છે. સંગઠને કહ્યું કે આ કફ સિરપ(Cough syrup) ગામ્બિયા દેશમાં 66 બાળકોના મોતનું કારણ બની શકે છે. ડબ્લ્યુએચઓએ તેને ગંભીર કિડની રોગ અને ગેમ્બિયા(Gambia)માં 66 બાળકો(Children)ના મૃત્યુ(Death)ના જોખમ સાથે જોડ્યું છે.
કફ સિરપ માપદંડની વિરુદ્ધ
WHO એ મેડિકલ પ્રોડક્ટ એલર્ટમાં જણાવ્યું હતું કે, “લેબ વિશ્લેષણ કરીને, તે 4 ઉત્પાદનોમાંથી દરેકના નમૂનામાં જોવા મળ્યું હતું કે તેમાં ડાયેથિલિન ગ્લાયકોલ અને ઇથિલિન ગ્લાયકોલની સામગ્રી માપદંડની વિરુદ્ધ છે. WHOના ડાયરેક્ટર જનરલ ડો. ટેડ્રોસ અધાનમ ઘેબ્રેયેસસે જણાવ્યું હતું કે ડબ્લ્યુએચઓએ આજે ગામ્બિયામાં ગંભીર કિડની રોગ અને 66 બાળકોના મૃત્યુ સાથે સંભવિત રીતે સંકળાયેલી 4 દવાઓ માટે તબીબી ઉત્પાદન ચેતવણી જાહેર કરી છે. ટેડ્રોસે વધુમાં કહ્યું કે આ બાળકોના મૃત્યુથી તેમના પરિવારજ ઊંડા આઘાતમાં સરી ગયા છે.
ભારતે તપાસ શરુ કરી
વર્લ્ડ હેલ્થ ઓર્ગેનાઈઝેશન (WHO)ના એલર્ટ બાદ ભારતે પણ આ મામલે તપાસ શરૂ કરી છે. સૂત્રોએ જણાવ્યું કે ડ્રગ કંટ્રોલર જનરલ ઓફ ઈન્ડિયા (CDSCO) એ તરત જ આ મામલો હરિયાણા રેગ્યુલેટરી ઓથોરિટી સાથે ઉઠાવ્યો અને તપાસ શરૂ કરી. કફ સિરપનું ઉત્પાદન M/s Maiden Pharmaceutical Limited દ્વારા સોનીપત, હરિયાણામાં કરવામાં આવે છે. સ્વાસ્થ્ય અને પરિવાર કલ્યાણ મંત્રાલયના સૂત્રોએ જણાવ્યું કે 29 સપ્ટેમ્બરના રોજ, WHOએ ડ્રગ કંટ્રોલર જનરલ ઓફ ઈન્ડિયા (CDSCO)ને કફ સિરપ વિશે ચેતવણી આપી હતી. સૂત્રોએ જણાવ્યું કે કફ સિરપનું ઉત્પાદન હરિયાણાના સોનીપતમાં મેસર્સ મેઇડન ફાર્માસ્યુટિકલ લિમિટેડ દ્વારા કરવામાં આવ્યું છે. આ બાબતે ઉપલબ્ધ માહિતી મુજબ, એવું લાગે છે કે પેઢીએ આ ઉત્પાદનો ફક્ત ધ ગામ્બિયાને મોકલ્યા હતા. કંપનીએ હજુ સુધી આરોપોનો જવાબ આપ્યો નથી.
અન્ય દેશોને ચેતવણી આપી
તેમણે વધુમાં જણાવ્યું હતું કે આ 4 દવાઓ મેઇડન ફાર્માસ્યુટિકલ્સ લિમિટેડ ઓફ ઇન્ડિયા દ્વારા ખાંસી અને શરદીના નિવારણ માટે સીરપના રૂપમાં બનાવવામાં આવી છે. ટેડ્રોસે આગળ લખ્યું કે WHO ભારતમાં સંબંધિત કંપની અને નિયમનકારી અધિકારીઓ સાથે વધુ તપાસ કરી રહ્યું છે. તેમણે વધુમાં ઉમેર્યું હતું કે આ ઉત્પાદનો અત્યાર સુધી માત્ર ધ ગામ્બિયામાં જ શોધી કાઢવામાં આવ્યા છે તે ધોરણથી વિપરીત, તેઓ અન્ય દેશોમાં વિતરિત થઈ શકે છે. ટેડ્રોસે વધુમાં જણાવ્યું હતું કે ડબ્લ્યુએચઓ દર્દીઓને વધુ નુકસાન અટકાવવા માટે તમામ દેશોમાં આ ઉત્પાદનોને શોધી કાઢવા અને દૂર કરવાની ભલામણ કરે છે. તમને જણાવી દઈએ કે ગયા મહિને ગેમ્બિયામાં 60 બાળકોના મોત થયા હતા. રિપોર્ટ્સ અનુસાર, કફ સિરપ પીધા બાદ આ બાળકોની કિડનીમાં સમસ્યા સામે આવી હતી. ત્યારથી સરકાર આ મૃત્યુના કારણની તપાસ કરી રહી છે.
