આ મહિનામાં અમદાવાદ ગુજરાતમાં યોજાનારી સ્થાનિક બોડીની ચૂંટણી માટે તમામ પક્ષોએ તેમની તૈયારી ઝડપી બનાવી દીધી છે. આ વખતે અસદુદ્દીન ઓવૈસી (Asaduddin Owaisi)ની પાર્ટી ઓલ ઈન્ડિયા મજલિસ-એ-ઇતેહાદુલ મુસલીમિન પણ સ્થાનિક સ્વરાજ સંસ્થાની ચૂંટણીમાં મેદાનમાં છે. સાંસદ અસદુદ્દીન ઓવૈસી શનિવારે સ્થાનિક સ્વરાજ સંસ્થાની ચૂંટણી માટે સુરત પહોંચ્યા હતા. અસદુદ્દીન ઓવૈસીએ કહ્યું કે હવે તે ભરૂચ જશે. અસદુદ્દીન ઓવૈસીએ કહ્યું કે સ્થાનિક સ્વરાજ સંસ્થાની ચૂંટણીઓને લઈને અમારું ભારતીય ટ્રાઇબલ પાર્ટી (Bhartiya Tribal Party BTP) સાથે જોડાણ છે. ચૂંટણીની તૈયારી માટે અમદાવાદમાં જાહેર સભા પણ યોજાશે.
કોની રમત બગડશે?
માનવામાં આવે છે કે આ જોડાણ ઘણી મોટી પાર્ટીઓના ગણિતને બગાડી શકે છે. ઓવૈસીની પાર્ટી માટે આ ચૂંટણી પણ મહત્વની છે કારણ કે આ ચૂંટણીની સાથે જ ઓવૈસીની પાર્ટી એઆઈએમઆઈએમ (All India Majlis-e-Ittehadul Muslimeen -AIMIM) ગુજરાતમાં પ્રવેશી છે. ગુજરાતમાં એઆઈએમઆઈએમનું હજુ સુધી પ્રદેશ એકમ નથી, પરંતુ એઆઈએમઆઈએમ સમર્થકો અમદાવાદ અને ભરૂચ જેવા સ્થળોએ કાર્યરત છે. સાથે જ 182 સભ્યોવાળી ગુજરાત વિધાનસભામાં બીટીપીના બે ધારાસભ્યો છે.
નાગરિક ચૂંટણીની તૈયારી જોરમાં :
ગુજરાતમાં 21 ફેબ્રુઆરી અને 28 ફેબ્રુઆરીએ સ્થાનિક સ્વરાજ સંસ્થાની ચૂંટણીઓ બે તબક્કામાં યોજાવાની છે. 21 ફેબ્રુઆરીએ ગુજરાતમાં છ મ્યુનિસિપલ કોર્પોરેશનો (MUNICIPAL CORPORATION)ની ચૂંટણી માટે મતદાન યોજાશે જ્યારે 28 ફેબ્રુઆરીએ 81 નગરપાલિકાઓ, 31 જિલ્લા પંચાયતો અને 231 તાલુકા પંચાયતોની ચૂંટણી યોજાશે. છ મહાનગરપાલિકાઓની ચૂંટણીની મતગણતરી 23 ફેબ્રુઆરીએ યોજાશે, જ્યારે 81 નગરપાલિકાઓ, 31 જિલ્લા પંચાયતો અને 231 તાલુકા પંચાયતોની ચૂંટણીઓ 2 માર્ચે ગણતરી કરવામાં આવશે.
એક પણ મુસ્લિમ ઉમેદવાર નહીં
ગુજરાત મ્યુનિસિપલ ઇલેક્શન અંતર્ગત એક ખુબ જ નોંધનીય બાબત એ છે કે બે મહાનગરોમાં એક પણ મુસ્લિમ ઉમેદવાર બીજેપી દ્વારા ખડા કરવામાં નથી આવ્યા. બીજેપીએ અમદાવાદથી 142 અને સુરતથી 120 ઉમેદવારો ઉભા રાખ્યા છે જો કે એક પણ મુસ્લિમ ઉમેદવારને ટિકિટ આપવામાં આવી નહીં હોવાથી પણ ઓવૈસીને આ મતદારોનો ફાયદો થવાની શક્યતા સેવાઈ રહી છે.
ગુજરાતમાં વર્ષોથી ભાજપનો દબદબો છે. અહીં કોઇ અન્ય પાર્ટી સત્તામાં આવે એવી શક્યતાઓ રહેતી નથી. પણ હવે જેમ જેમ ભાજપ આખા દેશના વિવિધ રાજ્યોમાં પગપેસારો કરી રહી છે. એમ જ અન્ય પાર્ટીઓએ પણ ગુજરાતમાં આવાની હિંમત કરી છે. આ વખતે ગુજરાતમાં ચાર પાર્ટીઓ – ભાજપ, કોંગ્રેસ, આમ આદમી પાર્ટી, છોટુભાઇ વાસાવાની (Chhotubhai Vsasa) ભારતીય ટ્રાયબલ પાર્ટી – અસદુદ્દીન ઔવેસી ઓલ ઈન્ડિયા મજલિસ-એ-ઇત્તેહાદુલ મુસ્લિમીન પાર્ટી ગઠબંધન કરીને મેદાનમાં ઉતરવાના છે.
