પટણામાં ઉદ્યોગપતિ ગોપાલ ખેમકાની હત્યાના કેસે હવે એક જુના, ભૂતકાળમાં થયેલા હત્યા કેસની યાદ આપાવે છે. વર્ષ 2018માં હાજીપુરના ઔદ્યોગિક વિસ્તારમાં ઉદ્યોગપતિ ગુંજન ખેમકાની હત્યા જે રીતે કરવામાં આવી હતી, એના કેટલાક પાસાઓ ગોપાલ ખેમકા કેસથી મળતા આવે છે. બંને હત્યાઓમાં શૂટરની પદ્ધતિ, સ્થિતી અને હેતુ જેવી અનેક સમાનતાઓ સામે આવી છે, જેને લઈને તપાસ એજન્સીઓ હવે બંને કેસ વચ્ચે સંભવિત કનેક્શન પર ધ્યાન કેન્દ્રિત કરી રહી છે
ગોપાલ ખેમકાની જેમ, ગુંજન ખેમકાની પણ તેમની કારમાં બેઠા બેઠા ગોળી મારીને હત્યા કરવામાં આવી હતી. તા.20 ડિસેમ્બર 2018ના રોજ હાજીપુરમાં તેમની ફેક્ટરીના ગેટ પાસે ગુંજન ખેમકાની કાર પર શૂટરે ગોળીબાર કર્યો હતો. એ જ રીતે ગોપાલ ખેમકાની કાર પર પણ શૂટરે બહારથી ગોળી ચલાવી હતી.
આરોપીની ઉંમરમાં પણ સમાનતા: હાજીપુર કેસમાં આરોપી આશરે 35-40 વર્ષનો હોવાનું જણાવાયું હતું, જ્યારે ગોપાલ ખેમકા કેસના CCTV ફૂટેજમાં જોવા મળેલા શૂટર પણ 30 વર્ષથી વધુ ઉંમરનો જણાય છે. બંને કિસ્સામાં શૂટરે માથાના ભાગે સીધી ગોળી હણી હતી, જે તેનું વ્યાવસાયિક અભ્યાસ દર્શાવે છે.
હાજીપુરમાં ગુંજન ખેમકાને ત્રણ ગોળી મારી હતી, જેમાંથી બે તેને વાગી હતી અને એક તેના ડ્રાઈવરને વાગી હતી. આ પ્રમાણે ગુંજનનું મૃત્યુ થયું હતું. ગોપાલ ખેમકા કેસમાં પણ તેમની માથામાં સીધી ગોળી મારીને હત્યા કરવામાં આવી હતી. ઘટનાસ્થળેથી પોલીસને એક ખાલી કારતૂસ અને એક જીવંત ગોળી મળી આવી છે, જે ફરી પુષ્ટિ કરે છે કે અહીં પણ મક્કમ તૈયારી સાથે આવીને હુમલો કરવામાં આવ્યો હતો.
પોલીસ તપાસના નવા દિશા સંકેત: તપાસમાં આવી રહેલી આ સમાનતાઓને ધ્યાનમાં રાખી, પોલીસ હવે ગુંજન ખેમકા હત્યા કેસના રેકોર્ડ્સ અને સંદિગ્ધો સાથે તુલનાત્મક તપાસ કરી રહી છે. જો બંને કેસમાં કોઈ સામાન્ય દોષિત વ્યક્તિ કે માફિયા કનેક્શન બહાર આવે, તો આ ગંભીર ગુનાખોરીના જાળને ઉકેલવામાં મદદ મળી શકે છે.
