નવી દિલ્હી: અદાણી ગ્રૂપ(Adani Group)ની વિવિધ કંપનીઓ અદાણી પાવર(Adani Power), અદાણી વિલ્મર(Adani Wilmar), અદાણી એન્ટરપ્રાઇઝ(Adani Enterprises), અદાણી પોર્ટ્સ(Adani Ports), અદાણી ગ્રીન(Adani Green) અને અદાણી ગેસ(Adani Gas)ના શેર(Share) સોમવારે ઘટ્યા હતા. આનાથી તેની સંપત્તિ(Wealth) પર અસર પડી અને તેણે એક જ દિવસમાં 9.67 બિલિયન ડોલર ગુમાવ્યા. આ ઘટાડા સાથે, બ્લૂમબર્ગ બિલિયોનેર્સ ઇન્ડેક્સ મુજબ સંપત્તિના સંદર્ભમાં ગૌતમ અદાણી બર્નાર્ડ આર્નોલ્ટ કરતાં પાછળ રહી ગયા છે. ભારતના સૌથી ધનાઢ્ય ઉદ્યોગપતિ ગૌતમ અદાણી અને વિશ્વના સૌથી ધનિક વ્યક્તિ એલોન મસ્ક(Elon Musk)ની સંપત્તિમાં મોટો ઘટાડો સોમવારે વિશ્વભરના શેરબજારમાં આવેલા ઘટાડા(Down) સાથે નોંધાયો છે. એક અહેવાલ અનુસાર, ગૌતમ અદાણી અને ઈલોન મસ્કની સંપત્તિમાં એક જ દિવસમાં લગભગ 25.1 અબજ ડોલરનો ઘટાડો થયો છે. જો ભારતીય રૂપિયાની વાત કરીએ તો આ રકમ લગભગ 20,47,76,96,95,000 રૂપિયા હશે.
અદાણીને એક જ દિવસમાં $9.67 બિલિયનનું નુકસાન
અદાણી ગ્રૂપની અલગ-અલગ કંપનીઓ અદાણી પાવર, અદાણી વિલ્મર, અદાણી એન્ટરપ્રાઈઝ, અદાણી પોર્ટ્સ, અદાણી ગ્રીન અને અદાણી ગેસના શેરમાં સોમવારે તીવ્ર ઘટાડો નોંધાયો હતો. આનાથી તેની સંપત્તિ પર અસર પડી અને તેણે એક જ દિવસમાં 9.67 બિલિયન ડોલર ગુમાવ્યા હતા. આ ઘટાડા સાથે, બ્લૂમબર્ગ બિલિયોનેર્સ ઇન્ડેક્સ મુજબ સંપત્તિના સંદર્ભમાં ગૌતમ અદાણી બર્નાર્ડ આર્નોલ્ટ કરતાં પાછળ રહી ગયા છે. આ ઈન્ડેક્સમાં અદાણી હવે ત્રીજા નંબરથી સરકીને ચોથા નંબર પર આવી ગઈ છે. ગૌતમ અદાણીની કુલ સંપત્તિ હવે 120 બિલિયન ડોલરની આસપાસ છે.
એલોન મસ્કની સંપત્તિમાં 15.5 અબજ ડોલરનો ઘટાડો
શેરના ઘટતા ભાવને કારણે વિશ્વના સૌથી ધનિક વ્યક્તિ એલોન મસ્કની સંપત્તિમાં પણ ઘટાડો થયો છે. તેમની સંપત્તિમાં લગભગ $15.5 બિલિયનનો ઘટાડો થયો છે. તમને જણાવી દઈએ કે મંગળવારે તેમની કંપની ટેસ્લાના શેર લગભગ 8.61 ટકાના ઘટાડા સાથે બંધ થયા હતા. ફોર્બ્સની રિયલ ટાઈમ બિલિયોનેર્સ લિસ્ટ અનુસાર, ગૌતમ અદાણી અને એલોન મસ્ક સોમવારે સૌથી વધુ સંપત્તિ ગુમાવનારા અબજોપતિઓની શ્રેણીમાં હતા.
અદાણી ગ્રૂપની કંપનીઓના શેર ઘટ્યા
સોમવારે અદાણી ગ્રુપની કંપનીઓના શેરમાં મોટો ઘટાડો જોવા મળ્યો હતો. આ સમયગાળા દરમિયાન, અદાણી ટોટલ ગેસ લિમિટેડ (ATGL) ના શેરમાં લગભગ 7.90 ટકાનો ઘટાડો જોવા મળ્યો હતો અને તે લગભગ રૂ. 3076 પર બંધ થયો હતો. તે જ સમયે, અદાણી પાવરનો શેર 4.99 ટકાની નીચી સર્કિટ સાથે રૂ. 354.85 પર બંધ રહ્યો હતો. આ ઉપરાંત અદાણી વિલ્મરમાં 5 ટકાની નીચલી સર્કિટ હતી અને તે રૂ.717.75 પર બંધ રહ્યો હતો. અદાણી એન્ટરપ્રાઇઝ 8.42% ના ઘટાડા સાથે રૂ. 3164.75 પર બંધ થયો હતો. તે જ સમયે, અદાણી પોર્ટ 4.35 ટકા ઘટીને 784.95 અને અદાણી ગ્રીન એનર્જી 7.65 ટકા ઘટીને રૂ. 2087.85 પર બંધ થયા હતા.
