ગાંધીનગર : ગાંધીનગરમાં (Gandhinagar) DefExpo 2022ના ભાગ રૂપે સાબરમતી રિવર ફ્રન્ટ ખાતે ઓપરેશનલ જીવંત પ્રદર્શન કર્યુ હતું. સંરક્ષણ મંત્રી રાજનાથ સિંહે અને ગુજરાતના (Gujarat) રાજ્યપાલ આચાર્ય દેવવ્રત સાથે સાહસિક પ્રયોગોના સાક્ષી બન્યા હતા. આ જીવંત ડિસ્પ્લેનો ઉદ્દેશ્ય લોકો સમક્ષ સંરક્ષણ દળોની ઓપરેશનલ તત્પરતા અને વૈજ્ઞાનિક કૌશલ્યનું પ્રદર્શન કરવાનો હતો.
સશસ્ત્ર દળોના જીવંત પ્રદર્શનમાં સશસ્ત્ર દળોના હવા, જળ સપાટી અને ઉપ-સપાટી તત્વોનો સમાવેશ થતો હતો. આ ઈવેન્ટની શરૂઆત ભારતીય સેના, નૌકાદળ અને વાયુસેનાના જવાનો દ્વારા આકર્ષક કોમ્બેટ ફ્રી ફોલ સાથે થઈ હતી. તે પછી ભારતીય નૌકાદળના ચુનંદા મરીન કમાન્ડો (માર્કોસ) અને ભારતીય સેનાના પેરા (એસએફ) કમાન્ડો દ્વારા કુશળતાપૂર્વક હેલિકોપ્ટરમાંથી બોટ પર ચડતા, જેમિની બોટ દ્વારા ચલાવવામાં આવતી હાઇ સ્પીડ અને દુશ્મનની પોસ્ટને નિષ્ક્રિય કરવાનું સાહસિક પ્રદર્શન કરવામાં આવ્યું હતું. ત્યારપછી સારંગ ટીમ દ્વારા વિસ્મયકારક હેલોબેટીક્સ અને ભારતીય વાયુસેના દ્વારા સંચાલિત હેંગ ગ્લાઈડર દ્વારા આ ક્રિયા ફરી આકાશમાં ફેરવાઈ હતી. અન્ય જીવંત પ્રદર્શનમાં પ્રવૃત્તિઓમાં કોસ્ટ ગાર્ડ દ્વારા શોધ અને બચાવ પ્રદર્શન, નાની ટીમ દાખલ અને નિષ્કર્ષણ અને ભારતીય નૌકાદળ દ્વારા આકર્ષક આક્રમક ડેમો, ભારતીય વાયુસેના દ્વારા સાતત્યપૂર્ણ કવાયત, ડીઆરડીઓ દ્વારા રો’ બોટિક્સ પ્રદર્શન અને ત્રણેય દ્વારા સંયુક્ત બેન્ડ પ્રદર્શનનો સમાવેશ થાય છે.
