લખનૌ (જૌનપુર): જૌનપુરની (Jaunpur) સાંસદ-ધારાસભ્ય કોર્ટે (MP-MLA Court) પૂર્વ સાંસદ ધનંજય સિંહને 7 વર્ષની જેલની સજા અને 50 હજાર રૂપિયાનો દંડ ફટકાર્યો છે. ધનંજય સિંહની ગણતરી વરીષ્ઠ નેતાઓમાં થાય છે. તેઓ લોકસભાની ચૂંટણી (Loksabha Election) લડવાની પણ તૈયારી કરી રહ્યા હતા. પરંતુ ગઈકાલે MP MLA કોર્ટે અપહરણ અને ખંડણીના કેસમાં તેમને દોષિત ઠેરવ્યા હતા અને આજે તેમને સાત વર્ષની જેલની (Jail) સજા ફટકારવામાં આવી છે.
પ્રાપ્ત વિગતો મુજબ 10 મે 2020 ના રોજ મુઝફ્ફરનગરના રહેવાસી અને ‘નમામી ગંગે’ના પ્રોજેક્ટ મેનેજર એવા અભિનવ સિંઘલે ધનંજય સિંહ અને તેના ભાગીદાર વિક્રમ વિરુદ્ધ લાઇન બજાર પોલીસ સ્ટેશનમાં અપહરણ, ખંડણી અને અન્ય કલમો હેઠળ કેસ દાખલ કર્યો હતો. જેમાં તેણે જણાવ્યું હતું કે વિક્રમ બે સહયોગીઓ સાથે મળીને સિંઘલનું અપહરણ કરીને પૂર્વ સાંસદના ઘરે લઈ ગયો હતો.
ફરિયાદમાં પીડિતે જણાવ્યું હતું કે ધનંજય સિંહ ત્યાં પિસ્તોલ લઈને આવ્યો હતો અને તેની સાથે દુર્વ્યવહાર કર્યો હતો. તેમજ હલકી ગુણવત્તાની સામગ્રી સપ્લાય કરવા દબાણ કર્યું હતું. ના પાડવા પર તેણે ધમકી આપી ખંડણીની માંગણી કરી હતી. તેમજ ફરિયાદના આધારે તપાસ કરવામાં આવી હતી. તેમજ પોલીસે આ મામલામાં એફઆઈઆર નોંધી પૂર્વ સાંસદની ધરપકડ કરી હતી. જોકે બાદમાં તેને કોર્ટમાંથી જામીન મળી ગયા હતા.
ધનંજય સિંહ આગામી લોકસભા ચૂંટણીમાં પોતાનું નસીબ અજમાવવાની તૈયારી કરી રહ્યા છે. તેણે સોશિયલ મીડિયા પર પોતાની એક પોસ્ટ દ્વારા આ વાતની પુષ્ટિ કરી છે. ભાજપે ઉમેદવારોની પ્રથમ યાદી જાહેર કર્યા બાદ ધનંજય સિંહની પ્રતિક્રિયા જોવા મળી હતી. કારણ ભાજપે જૌનપુર લોકસભા બેઠક પરથી કૃપાશંકર સિંહને પોતાના ઉમેદવાર જાહેર કર્યા છે. ધનંજય સિંહે પોતાના સોશિયલ મીડિયા પર પોતાનું એક પોસ્ટર શેર કર્યું અને લખ્યું, “મિત્રો! તૈયાર રહો… લક્ષ્ય માત્ર એક લોકસભા 73, જૌનપુર છે. આ સાથે તેણે ‘જીતેગા જૌનપુર-‘ સાથે પોતાનો ફોટો પણ શેર કર્યો હતો.
મૃત્યુના ત્રણ મહિના પછી ધનંજય સિંહ જીવતો થયો!
17 ઓક્ટોબર 1998ના રોજ ભદોહી પોલીસે મિર્ઝાપુર બોર્ડર પર ચાર બદમાશોનો સામનો કર્યો હતો. આ પછી પોલીસે દાવો કર્યો હતો કે પેટ્રોલ પંપ લૂંટવા જઈ રહેલા ગુનેગારો એન્કાઉન્ટરમાં માર્યા ગયા હતા. જેમાં 50,000 રૂપિયાનું ઈનામ ધરાવતો ગેંગસ્ટર ધનંજય સિંહ પણ સામેલ હતો. તે સમયે ભદોહી પોલીસની દરેક જગ્યાએ પ્રશંસા થઈ હતી. પરંતુ બીજા જ દિવસે તેમની ટીકા પણ શરૂ થઈ ગઈ હતી.
માર્યા ગયેલા વ્યક્તિના દાવેદારે જેની ઓળખ પોલીસે ધનંજય સિંહ તરીકે કરી હતી, તેણે કહ્યું કે લાશ તેની નથી. વાસ્તવમાં તે ધનંજય સિંહ નામનો બીજો વ્યક્તિ હતો. આ ઘટના બાદ પોલીસ વિરુદ્ધ સૂત્રોચ્ચાર કરવામાં આવ્યા હતા. તેમજ 11 જાન્યુઆરી 1999ના રોજ ધનંજયે કોર્ટમાં આત્મસમર્પણ કર્યું. તેના શરણાગતિ બાદ સર્વત્ર ખળભળાટ મચી ગયો હતો.
