આજે પેઈડ પ્રિવ્યુથી જ બ્લોકબસ્ટર રન શરૂ!
બોલિવૂડ સ્ટાર Ranveer Singh ની મોસ્ટ અવેટેડ ફિલ્મ ‘ધુરંધર: ધ રિવેન્જ’ આજે એટલે કે 18 માર્ચથી પેઈડ પ્રિવ્યુ સાથે જ ચર્ચામાં આવી ગઈ છે. ફિલ્મ 19 માર્ચ, 2026ના રોજ સત્તાવાર રીતે રિલીઝ થવાની છે, પરંતુ એ પહેલા જ તેના માટે દર્શકોમાં ભારે ક્રેઝ જોવા મળી રહ્યો છે.
આ ફિલ્મને તાજેતરના સમયની સૌથી મોટી સિક્વલમાં ગણવામાં આવી રહી છે. ટ્રેલર, ટીઝર અને પ્રોમોશનલ કેમ્પેઈનને મળેલા જબરદસ્ત પ્રતિસાદને કારણે દેશભરમાં અને વિદેશોમાં પણ ફિલ્મ અંગે ભારે હાઇટ ઉભી થઈ છે. સોશિયલ મીડિયા પર પણ ફિલ્મ ટ્રેન્ડિંગમાં છે, જ્યાં ફેન્સની થિયરીઝ અને રિએક્શન વાયરલ થઈ રહ્યા છે.
એડવાન્સ બુકિંગમાં પણ ફિલ્મે ધમાલ મચાવી છે. રિપોર્ટ્સ મુજબ મોટા શહેરોમાં ટિકિટો ઝડપથી વેચાઈ રહી છે અને પ્રીમિયમ ફોર્મેટ્સમાં ખાસ ડિમાન્ડ જોવા મળી રહી છે. થિયેટર્સે વધારાના શો ઉમેર્યા છે, જેમાં લેટ નાઈટ અને અર્લી મોર્નિંગ સ્ક્રીનિંગ્સનો સમાવેશ થાય છે.
CBFC દ્વારા હિંસક સીન પર કાપ : ફિલ્મના રિલીઝ પહેલા Central Board of Film Certification (CBFC)એ કેટલીક હિંસક સીનમાં ફેરફાર કરવા કહ્યું છે. રિપોર્ટ મુજબ 21માંથી 4 મહત્વપૂર્ણ ફેરફાર કરવામાં આવ્યા છે. આ ફેરફારોમાં “આંખ ફોડવી”, “શિર કાપવું”, “સિમેન્ટ બ્લોકથી હુમલો” અને “હથોડાથી મારવું” જેવા સીનમાં કાપ મૂકવામાં આવ્યો છે. ફેરફારોને કારણે ફિલ્મનો રનટાઈમ પણ થોડો ઓછો થયો છે.
શૂટિંગ દરમિયાન ઇજાગ્રસ્ત એક્ટરને મદદે આવ્યા રણવીર : ફિલ્મના એક એક્શન સીન દરમિયાન એક્ટર Rajat Arora ઇજાગ્રસ્ત થયા હતા. છતાં તેમણે શૂટિંગ પૂર્ણ કર્યું. બાદમાં Ranveer Singh તરત જ તેમની મદદ માટે દોડી આવ્યા અને તેમને ફર્સ્ટ એઇડ સેન્ટર સુધી લઈ ગયા. રાજતે જણાવ્યું કે આ અનુભવથી તેમને હિંમત અને પ્રોફેશનલિઝમ શીખવા મળ્યું.
બોક્સ ઓફિસ પર રેકોર્ડ તોડવાની સંભાવના : ફિલ્મમેકર Ram Gopal Varmaએ ફિલ્મ અંગે મોટી આગાહી કરી છે. તેમણે કહ્યું કે આ ફિલ્મ એક જ દિવસે 120 કરોડ રૂપિયાથી વધુ કમાણી કરી શકે છે. લાંબા રનટાઈમ હોવા છતાં ફિલ્મ લાંબા સમય સુધી થિયેટર્સમાં ચાલશે એવી અપેક્ષા છે.
‘DDLJ’ના શોનો સમય બદલાયો : મુંબઈના પ્રખ્યાત Maratha Mandirમાં 30 વર્ષથી ચાલતી Dilwale Dulhania Le Jayengeના શોનો સમય પણ બદલાયો છે. હવે 11:30ના બદલે 10 વાગ્યે શો રાખવામાં આવ્યો છે જેથી ‘ધુરંધર: ધ રિવેન્જ’ના વધુ શો બતાવી શકાય.
મજબૂત એડવાન્સ બુકિંગ અને સ્ટાર પાવર સાથે ‘ધુરંધર: ધ રિવેન્જ’ બોક્સ ઓફિસ પર તોફાની શરૂઆત કરવા તૈયાર છે. હવે જોવાનું એ રહેશે કે ફિલ્મ ફેન્સની અપેક્ષાઓ પર કેટલી ખરી ઉતરે છે.
