Jeffrey R. O’Brien અને Robert M. Marzan કુવૈતમાં હુમલામાં શહીદ; કુલ 6 અમેરિકન સૈનિકોના મોતથી તણાવ વધ્યો:Pentagonએ ઇરાન સાથે ચાલી રહેલા યુદ્ધ દરમિયાન કુવૈતમાં થયેલા ડ્રોન હુમલામાં મૃત્યુ પામેલા છેલ્લા બે સૈનિકો ની ઓળખ જાહેર કરી છે. આ હુમલો 1 માર્ચ 2026ના રોજ કુવૈતના પોર્ટ શુઆઇબા વિસ્તારમાં થયો હતો, જેમાં અમેરિકન સૈનિકો શહીદ થયા હતા.
પેન્ટાગોન અનુસાર મૃત્યુ પામેલા સૈનિકોમાં 45 વર્ષીય મેજર Jeffrey R. O’Brien અને 54 વર્ષીય ચીફ વોરન્ટ ઓફિસર 3 Robert M. Marzanનો સમાવેશ થાય છે. બંને સૈનિકો 103rd Sustainment Command સાથે જોડાયેલા હતા, જેનું મુખ્ય મથક અમેરિકાના આયોવા રાજ્યના ડેસ મોઇન્સ શહેરમાં આવેલું છે.
પેન્ટાગોનના નિવેદન મુજબ મેજર ઓ’બ્રાયન ડ્રોન દ્વારા કરવામાં આવેલા અનમેન્ડ એરક્રાફ્ટ સિસ્ટમ હુમલા દરમિયાન મોતને ભેટ્યા હતા. ઘટનાની સંપૂર્ણ તપાસ હાલમાં ચાલુ છે અને હુમલાના ચોક્કસ કારણો તથા પરિસ્થિતિઓ અંગે માહિતી એકત્ર કરવામાં આવી રહી છે.
બીજી તરફ ચીફ વોરન્ટ ઓફિસર માર્ઝન પણ તે જ હુમલા દરમિયાન સ્થળ પર હાજર હતા અને તેઓ પણ ઘટનાસ્થળે જ મોતને ભેટ્યા હોવાનું માનવામાં આવે છે. તેમની સત્તાવાર ઓળખ મેડિકલ એક્ઝામિનર દ્વારા પુષ્ટિ કરવામાં આવશે.આ ઘટના એવા સમયે બની છે જ્યારે United States અને Israelએ Iran વિરુદ્ધ સૈન્ય કાર્યવાહી શરૂ કરી.આ અભિયાન પછી ઇરાને પણ વિવિધ સ્થાનો પર જવાબી હુમલાઓ શરૂ કર્યા છે, જેના કારણે સમગ્ર મધ્ય પૂર્વમાં તણાવ વધ્યો છે.
આ પહેલાં પણ ચાર અન્ય અમેરિકન સૈનિકોના મોતની પુષ્ટિ થઈ હતી, જેમનું મૃત્યુ ઇરાની ડ્રોન હુમલામાં થયું હતું. આ સૈનિકોમાં Cody Khork, Noah Tietjens, Nicole Amor અને Declan Coadyનો સમાવેશ થાય છે.આ દરમિયાન Donald Trumpએ જણાવ્યું હતું કે આ સમગ્ર સંઘર્ષ દરમિયાન ઇરાનના સર્વોચ્ચ નેતા Ali Khamenei પણ મોતને ભેટ્યા છે.
વિશ્લેષકોના મતે, મધ્ય પૂર્વમાં વધતા આ સંઘર્ષને કારણે વૈશ્વિક રાજકીય પરિસ્થિતિ વધુ તંગ બની રહી છે અને આગામી દિવસોમાં સ્થિતિ વધુ ગંભીર બની શકે છે.
