WHO દ્વારા જાહેર કરવામાં આવેલા એક નિવેદનમાં જણાવવામાં આવ્યું છે કે વેક્સીનેશન કોરોના વાયરસ સામે સુરક્ષાની સંપૂર્ણ ગેરેન્ટી આપતું નથી. એવામાં જ્યાં સુધી મોટી સંખ્યામાં લોકો કોરોના રસી લગાવતા નથી, ત્યાં સુધી કોરોના ગાઈડલાઈનનું પાલન કરવું જરૂરી છે. વેક્સીન લગાવ્યા બાદ વસ્તુ ધીરે ધીરે આગળ વધશે. પરંતુ લોકોએ પહેલાની જેમ પોતાની લાઈફ સ્ટાઈલ કરવામાં ઉતાવળ કરવી જોઈએ નહીં.
નિષ્ણાંત જણાવે છે કે, જો તમે વેક્સીન લગાવ્યા બાદ પણ સંક્રમિત થયા તો તમે બીજાને પણ સંક્રમિત કરી શકો છો. એવામાં માસ્ક અને સોશિયિલ ડિસ્ટન્સ (Social Distancing) આ વાયરસના સંક્રમણને ફેલાવવાથી રોકી શકે છે. તેથી આપણે વેક્સીન લગાવ્યા બાદ પણ ઘણી સાવધાની વર્તવાની જરૂરિયાત છે. તેમણે વધુમાં કહ્યું કે, જો તમારા ગ્રુપમાંથી તમામને કોરોના વેક્સીન (Corona Vaccine) લગાવવામાં આવી છે તો તમે પહેલાની જેમ હળીમળી શકો છો. પરંતુ જ્યારે તમને તમારી આસપાસના લોકો વિશે યોગ્ય જાણકારી નથી તો તેમની સાથે વાતચીત દરમિયાન કોરોના ગાઈડલાઇનનું પાલન કરવું જરૂરી છે.
એક્સપર્ટ્સના જણાવ્યા અનુસાર, જો તમે વેક્સીનના બે ડોઝ લગાવ્યા છે તો કોરોના વાયરસથી સંક્રમિત થવાનો ખતરો ઘટી જાય છે. વેક્સીનેશનના કારણે તમે ગ્રોસરી સ્ટોર અથવા કોઈપણ પબ્લિક પ્લેસમાં પહેલા કરતા વધારે સુરક્ષિત રહેશો. જો કે, તમે માસ્કના ઉપયોગ સાથે સોશિયલ ડિસ્ટન્સનું પણ પાલન કરતા રહેશો તો સુરક્ષાની ગેરેન્ટી જરૂર આપશે.
નિષ્ણાંતોના જણાવ્યા અનુસાર, મોટી સંખ્યામાં વેક્સીન લગાવ્યા બાદ હર્ડ ઈમ્યુનિટિ પ્રાપ્ત થઈ જશે, જે વાયરસને સરળતાથી ફેલાવવા નહીં દે. ત્યારબાદ તમે તમારી લાઈફ સ્ટાઈલને પહેલાની જેમ નોર્મલ કરી શકશો અને માસ્ક અથવા સોશિયલ ડિસ્ટન્સિંગને (Social Distancing) તમારી રૂટિન લાઈફથી દૂર કરી શકશો. AIIMS એક્સપર્ટ્સના જણાવ્યા અનુસાર, હર્ડ ઇમ્યુનિટિ મેળવવા માટે 70 ટકાથી વધારે આબાદીને પહેલા કોરોના રસી લગાવવી પડશે. પરંતુ તેમાં લગભગ 1 વર્ષનો સમય લાગી શકે છે.
