ઓસ્ટ્રેલિયામાં (Australia) યોજાનારા ટી-20 વર્લ્ડ કપને (T-20 Worldcup) હવે માત્ર થોડા મહિના જ બાકી છે. આ ટુર્નામેન્ટને ધ્યાનમાં રાખીને તમામ ટીમોએ પોતાની તૈયારીઓ શરૂ કરી દીધી છે. ભારતીય ટીમે (Indian Team) પણ તેની તૈયારી શરૂ કરી દીધી છે. આ વખતે પણ ભારતની પ્રથમ મેચ પાકિસ્તાન (Pakistan) સામે છે. 2021 T20 વર્લ્ડ કપમાં પણ ટીમ ઈન્ડિયાની પહેલી મેચ પાકિસ્તાન સાથે હતી અને આ મેચ હાર્યા બાદ ટીમ ઈન્ડિયા આ ટૂર્નામેન્ટમાંથી બહાર થઈ ગઈ હતી. આ વખતે પણ ભારતની પહેલી મેચ પાકિસ્તાન સાથે છે અને આ મેચની તમામ ટિકિટો (Ticket) વેચાઈ ગઈ છે. ટી-20 વર્લ્ડ કપ 2022ની ટિકિટનું વેચાણ શરૂ થયાની થોડી જ મિનિટોમાં તમામ ટિકિટો વેચાઈ ગઈ હતી. હવે કેટલીક પસંદગીની ટિકિટો વેચાણ માટે બાકી છે.
ઓસ્ટ્રેલિયામાં 16 ઓક્ટોબરથી T20 વર્લ્ડ કપ શરૂ થઈ રહ્યો છે, જ્યારે ભારતની પ્રથમ મેચ 23 ઓક્ટોબરે પાકિસ્તાન સામે છે. આ મેચ દિવાળીના એક દિવસ પહેલા રમાશે. તે જ સમયે, ટૂર્નામેન્ટની ફાઇનલ મેચ 13 નવેમ્બરે રમાશે. ભારત અને પાકિસ્તાન વચ્ચેની મેચ બાદ ભારત અને દક્ષિણ આફ્રિકા વચ્ચેની મેચની ટિકિટની માંગ સૌથી વધુ છે. ગ્લોબલ સ્પોર્ટ્સ ટ્રાવેલ કંપની આ ટુર્નામેન્ટની ટિકિટો વેચવાના અધિકાર ધરાવે છે. કંપનીના એશ ચાવલાએ કહ્યું, “અત્યાર સુધીમાં અમે અમારા 40 ટકા પેકેજ ભારતમાં વેચ્યા છે. તે જ સમયે, ઉત્તર અમેરિકામાં 27 ટકા, ઓસ્ટ્રેલિયામાં 18 ટકા અને યુકે અને બાકીના વિશ્વમાં 15 ટકા વેચાય છે. મેલબોર્નમાં હોટલના રૂમ પહેલાથી જ બુક થઈ ગયા છે.
ભારત-પાકિસ્તાન મેચ માટે મેલબોર્નમાં લગભગ 45-50,000 દર્શકો મેચ જોવા આવશે તેવી અપેક્ષા રાખવામાં આવી છે. ભારત પાકિસ્તાનની આ મેચની ટિકિટો થોડી મિનિટોમાં વેચાઈ ગઈ હતી, માત્ર થોડી જ વીઆઈપી ટિકિટો બચી છે. ગેનવેલ સ્પોર્ટ્સના એમડી મનોજ સરાફે જણાવ્યું હતું કે, “ભારત vs પાકિસ્તાન મેચની ટિકિટોની સૌથી વધુ માંગ હતી અને બે મહિના પહેલા જ વેચાઈ ગઈ હતી. ICCએ તાજેતરમાં બાઉન્ડ્રી ક્લબ નામની એક નવી પ્રકારની ટિકિટ લોન્ચ કરી છે, જેમાં ભારત-પાકિસ્તાન મેચની માત્ર 300 ટિકિટો છે, તે પણ આ સપ્તાહ સુધીમાં વેચાઈ જશે.
વઘુમાં તેઓએ જણાવ્યું કે ભારત વિ દક્ષિણ આફ્રિકા મેચની ટિકિટની માંગ બીજા નંબર પર છે. અમારું મોટાભાગનું વેચાણ ભારતીયોને થયું છે જેઓ ઑસ્ટ્રેલિયામાં મુસાફરી કરશે, પરંતુ આફ્રિકા, યુકે અને ઑસ્ટ્રેલિયામાં રહેતા ભારતીયોએ પણ બલ્કમાં ટિકિટ ખરીદી છે. ઓસ્ટ્રેલિયા અગાઉ 18 ઓક્ટોબરથી 15 નવેમ્બર 2020 વચ્ચે ટી20 વર્લ્ડ કપનું આયોજન કરવાનું હતું, પરંતુ કોરોનાને કારણે ટૂર્નામેન્ટનું આયોજન થઈ શક્યું ન હતું. આ પછી તેનું આયોજન UAEમાં કરવામાં આવ્યું હતું. હવે બે વર્ષ બાદ ફરી ઓસ્ટ્રેલિયાને આ ટૂર્નામેન્ટની યજમાની મળી છે.
