દેશમાં કોરોના રસી (corona vaccine) પર સંશોધન (Research) સાથે, તેની અસરકારકતા (effectiveness) પર પણ અભ્યાસ (Study) કરવામાં આવી રહ્યો છે. આ ક્રમમાં, ભારતીય તબીબી સંશોધન પરિષદે તેના અભ્યાસમાં દાવો કર્યો છે કે ડેલ્ટા પ્લસ વેરિએન્ટ (delta+ variant) સામે પણ કોરોના વેક્સીન ‘કોવાક્સિન’ (covaxin) વધુ અસરકારક છે.
ભારત બાયોટેકની કોરોના રસી ‘કોવાક્સિન’ ઇન્ડિયન કાઉન્સિલ ઓફ મેડિકલ રિસર્ચ (ICMR) અને નેશનલ ઇન્સ્ટિટ્યુટ ઓફ વાયરોલોજી (NIV) ના સહયોગથી વિકસાવવામાં આવી છે. તમને જણાવી દઈએ કે અગાઉ ભારત બાયોટેકે કહ્યું હતું કે કોવાક્સિનની અસરકારકતા કોરોના વાયરસ સામે 77.8 ટકા અને નવા ડેલ્ટા વેરિઅન્ટ સામે 65.2 ટકા છે. જ્યારે કોવાક્સિન ગંભીર લક્ષણોના કેસોમાં 93.4 ટકા અસરકારક રહ્યું છે. તે જ સમયે, યુએસની ટોચની આરોગ્ય સંશોધન સંસ્થા નેશનલ ઇન્સ્ટિટ્યૂટ ઓફ હેલ્થ (NIH) એ કહ્યું હતું કે કોવાક્સિન કોવિડ -19 વાયરસના આલ્ફા અને ડેલ્ટા વેરિઅન્ટને અસરકારક રીતે તટસ્થ કરે છે. NIH એ કહ્યું હતું કે આ દાવો બે સંશોધનોના ડેટાના આધારે કરવામાં આવી રહ્યો છે.
કોવાક્સિનના ત્રીજા તબક્કાના ટ્રાયલ બાદ ભારત બાયોટેક દ્વારા જાહેર કરાયેલ ડેટા
એસિમ્પટમેટિક કેસોમાં અસરકારકતા: 63%
હળવા, મધ્યમ અને ગંભીર કેસોમાં અસરકારકતા: 78%
કોરોનાના ગંભીર કેસોમાં અસરકારકતા : 93%
ડેલ્ટા વેરિએન્ટ સામે અસરકારકતા: 65%
ગંભીર સંક્રમણમાં 93.4% પ્રભાવી
કોરોના વાયરસના ( corona virus) ગંભીર સંક્રમણનો ભોગ બનેલા લોકોની વાત કરીએ તો કોવાક્સિન તેના વિરુદ્ધ 93.4% પ્રભાવી જણાઈ છે. કંપનીએ અધિકૃત રીતે પરિણામો બહાર પાડતા જણાવ્યું કે ત્રીજા ફેઝની ટ્રાયલમાં ભાગ લેનારા 16,973 લોકોને બંને ડોઝ (અસલ વેક્સીન કે પ્લેસિબો) આપ્યાના ઓછામાં ઓછા બે અઠવાડિયા સુધી તેમના સ્વાસ્થ્ય પર નજર રાખવામાં આવી છે. તેના ફોલોઅપમાં જાણવા મળ્યું કે 130 વોલેન્ટિયર્સને કોરોના સંક્રમણ થયું, તેમાંથી 24 લોકો એવા હતા જેમને અસલ રસીના બંને ડોઝ અપાયા બાદ કોવિડ થયો જ્યારે 124 વોલેન્ટિયર્સ એવા હતા જેમને પ્લેસિબો આપ્યા બાદ કોવિડ થયો હતો.
દુનિયાભરમાં ભય ફેલાવી રહેલા ડેલ્ટા વેરિયન્ટ સામે પણ કોવાક્સિન 65.2% અસરકારક જણાઈ છે, જ્યારે ગંભીર સંક્રમણથી બચવા માટે કોવાક્સિન 93.4% અસરકારક છે. ભારત બાયોટેકે ત્રીજા તબક્કાનાં પરિણામોના આધારે જણાવ્યું હતું કે કોવાક્સિન કોરોના સામે એકંદરે 77.8% અસરકારક હોવાનું જણાયું છે.
કોવાક્સિનની એફિકેસી 77.8%
કોવાક્સિનના ત્રીજા તબક્કાની ટ્રાયલમાં જાણવા મળ્યું છે કે એની ઓવરઓલ એફિકેસી 77.8% મળી છે, જ્યારે કોરોના વાયરસના ગંભીર સંક્રમણ પર એની ઓવરઓલ એફિકેસી 93.4% જાણવા મળી છે.
