દેશમાં કોરોના (Corona)ને હરાવવા માટે રાજ્ય સરકારથી લઈને કેન્દ્ર સરકાર (Indian govt) તેના સ્તરેથી તમામ પ્રયાસો કરી રહી છે. ચેપને નિયંત્રણમાં રાખવા માટે નવી માર્ગદર્શિકા પણ આપવામાં આવી રહી છે. ત્યારે આરોગ્ય મંત્રાલય (Ministry of health) પણ લોકોને કોરોના બીજા તરંગ વિશે સતત માહિતી આપી રહ્યું છે.
આરોગ્ય મંત્રાલયના જોઇન્ટ સેક્રેટરી લવ અગ્રવાલે કહ્યું છે કે દેશમાં બીજી તરંગ (Second wave) હજી પૂરી થઈ નથી, તેથી કોરોનાના નિયમો (Corona protocol)નું પાલન કરવું જરૂરી છે. નવીનતમ આંકડા રજૂ કરતાં તેમણે કહ્યું કે દેશમાં કોરોના વાયરસના 8૦ ટકા નવા કેસોમાં 9૦ જિલ્લાઓમાંથી આવી રહ્યા છે. મહારાષ્ટ્ર, તામિલનાડુ, કેરળ, ઓડિશા, આંધ્રપ્રદેશ, આસામ, કર્ણાટકમાં વધુ કેસ નોંધાયા છે. જો કે આ દરમિયાન તેમણે રાહતના સમાચાર પણ આપ્યા હતા. તેમણે કહ્યું કે છેલ્લા 9 દિવસથી દેશમાં 50,000 થી ઓછા કેસ નોંધાયા છે.
અગ્રવાલે કહ્યુ કે, એક્ટિવ કેસ 5 લાખથી ઓછા છે. કોરોનાના મામલામાં 30 ટકાનો ઘટાડો થયો છે. જ્યારે મહારાષ્ટ્ર, તમિલનાડુ, ઓડિશા, આંધ્ર પ્રદેશ, અરૂણાચલ પ્રદેશ, ત્રિપુરા, મેઘાલય, સિક્કિમ જેવા રાજ્યોમાં 10 ટકાથી વધુ પોઝિટિવિટી રેટની સાથે કેસ સામે આવી રહ્યાં છે. લવ અગ્રવાલે જણાવ્યું હતું કે, જો કેટલાક જિલ્લાઓમાં વધુ ચેપ જોવા મળે છે, તો આપણે માની લેવું પડશે કે કેટલાક વિસ્તારોમાં હજી બીજી તરંગ ચાલી રહી છે. તેમણે કહ્યું કે દેશમાં હજી પણ કેટલાક રાજ્યો એવા છે કે જ્યાં પોઝિટિવિટી રેટ 10 ટકાથી વધુ છે. અરુણાચલ પ્રદેશ, રાજસ્થાન, મણિપુર, કેરળ, મેઘાલય, ત્રિપુરા, સિક્કિમ, ઓડિશા, નાગાલેન્ડના નામ શામેલ છે.
હિલ સ્ટેશનો પર લોકો કોરોનાના નિયમોનું પાલન નથી કરી રહ્યા: સ્વાસ્થ્ય મંત્રાલય
આરોગ્ય મંત્રાલયના સંયુક્ત સચિવ, લવ અગ્રવાલે કહ્યું કે હિલ સ્ટેશનોની મુસાફરી કરનારા લોકો હજુ પણ કોવિડ પ્રોટોકોલનું પાલન કરતા નથી. જો પ્રોટોકોલનું પાલન ન કરવામાં આવે તો, અમે નિયંત્રણો ફરી લાગુ કરી શકીએ છીએ. તે જ સમયે, આ બાબતે ચિંતા વ્યક્ત કરતી વખતે, સૂત્રોએ આ માહિતી આપી છે કે આરોગ્ય મંત્રાલયે હિમાચલ પ્રદેશ સરકારને શિમલા અને મનાલીમાં કોવિડ પ્રોટોકોલના મોટા પાયે ઉલ્લંઘન અંગે પણ પત્ર લખ્યો છે.
આ સાથે આરોગ્ય સચિવે દેશના 73 જિલ્લા મેજિસ્ટ્રેટ્સને પત્ર લખીને કોરોનાના કેસોમાં ઝડપથી થયેલા વધારા અંગે માહિતી આપી છે.
