ગાંધીનગર: રાજ્યમાં આજે શુક્રવારે ઠંડીનો ચમકારો વધ્યો છે. ખાસ કરીને કચ્છનું નલિયા કાતિલ ઠંડીની ચપેટમાં આવી ગયું છે. આજે દિવસ દરમિયાન નલિયામાં 8.8 ડિ.સે. ઠંડી નોંધાવવા પામી છે. જ્યારે અમદાવાદ અને ગાંધીનગરમાં પણ ઠંડી વધી છે. હજુયે આગામી પાંચ દિવસ દરમિયાન ઠંડીનો પારો ગગડી જવાની સંભાવના છે. સૌરાષ્ટ્ર અને કચ્છમાં સામાન્ય કરતાં સાવ નીચું તાપમાન નોંધાવવા પામ્યું છે.
કચ્છમાં ઠંડી વધતા જનજીવનને અસર થવા પામી છે. હવામાન વિભાગના વૈજ્ઞાનિકોના કહેવા મુજબ , રાજ્યમાં 2થી 3 ડિગ્રી જેટલી ઠંડી વધશે. રાજ્યના વિવિધ શહેરોમાં ગરમીનો પારો સરેરાશ 30થી 33 ડિ.સે..ની આસપાસ રહ્યો હતો. હવામાન વિભાગના સુત્રોએ કહ્યું હતું કે, રાજ્યના અન્ય શહેરો પૈકી ભૂજમાં 15 ડિ.સે., નલિયામાં 9 ડિ.સે., કંડલા પોર્ટ પર 15 ડિ.સે., કંડલા એરપોર્ટ પર 11 ડિ.સે., અમરેલી ડિ.સે.10 ડિ.સે., ભાવનગરમાં 15 ડિ.સે., રાજકોટમાં 12 ડિ.સે., સુરેન્દ્રનગરમાં 15 ડિ.સે., મહુવામાં 13 ડિ.સે., અમદાવાદમાં 13 ડિ.સે., ડીસામાં 12 ડિ.સે., ગાંધીનગરમાં 13 ડિ.સે., વલ્લભ વિદ્યાનગરમાં 15 ડિ.સે., વડોદરામાં 13 ડિ.સે., સુરતમાં 15 ડિ.સે. અને દમણમાં 14 ડિ.સે. લધુત્તમ તાપમાન નોંધાયું છે.
