ગાંધીનગર: રાજયમાં આગામી ત્રણેક દિવસ માટે ઠંડી ઘટશે અને તાપમાન વધશે, જયારે આજે શુક્રવારે રાજયમાં અમરેલીમાં 12.6 ડિગ્રી ઠંડી નોંધાવવા પામી હતી. રાજયના વિવિધ શહેરોમાં ગરમીનો પારો 30થી 34 ડિગ્રી સુધી પહોચ્યો હતો. રાજયમાં આજે શુક્રવારે ઠંડીનો ચમકારો ઘટ્યો છે. ઉત્તર ગુજરાત અને સૌરાષ્ટ્ર અને કચ્છમાં સામાન્ય કરતાં ઉંચુ તાપમાન નોંધાવવા પામ્યું છે. અમરેલીમાં ઠંડીની અસર વર્તાઈ રહી છે.
હવામાન વિભાગના વૈજ્ઞાનિકોના કહેવા મુજબ , રાજયમાં આગામી 72 કલાક દરમ્યાન 2થી 3 ડિગ્રી જેટલી ઠંડી ઘટશે અને તાપમાન વધવાનું છે. રાજયના વિવિધ શહેરોમાં ગરમીનો પારો સરેરાશ 30 થી 34 ડિ.સે..ની આસપાસ રહયો હતો. હવામાન વિભાગના સુત્રોએ કહ્યું હતું કે, રાજયના અન્ય શહેરો પૈકી ભૂજમાં 15 ડિ.સે.,નલિયામાં 14 ડિ.સે.,કંડલા પોર્ટ પર 17 ડિ.સે.,કંડલા એરપોર્ટ પર 15 ડિ.સે., અમરેલી 13 ડિ.સે., ભાવનગરમાં 16 ડિ.સે.,રાજકોટમાં 17 ડિ.સે.,સુરેન્દ્રનગરમાં 15 ડિ.સે.,મહુવામાં 15 ડિ.સે., અમદાવાદમાં 15 ડિ.સે.,ડીસામાં 13 ડિ.સે., ગાંધીનગરમાં 14 ડિ.સે.,વલ્લભ વિદ્યાનગરમાં 16 ડિ.સે.,વડોદરામાં 13 ડિ.સે.,અને સુરતમાં 19 ડિ.સે.,અને દમણમાં 17 ડિ.સે. લધુત્તમ તાપમાન નોંધાવવા પામ્યું છે.
