ચંદીગઢ (Chandigarh)ની એક વ્યક્તિ કોરોના રોગચાળા (Corona pandemic) સામે રસીકરણ અભિયાન (Vaccination campaign) ને સફળ બનાવવા સખત મહેનત કરી રહી છે. સેક્ટર -29 બી માર્કેટમાં છોલે ભટુરે (Chhole bhature)નું વેચાણ કરનાર સંજય રાણા (Sanjay rana), કોરોના રસીકરણ મેળવનાર લાભાર્થીઓને વિના મૂલ્યે (Free of cost) છોલે ભટુરે ખવડાવે છે.
જી હા તેઓ છેલ્લા એક મહિનાથી આ કામમાં રોકાયેલા છે. તેમની આ પહેલની આખા શહેરમાં પ્રશંસા થઈ રહી છે. યુટી એડમિનિસ્ટ્રેશન વી.પી.સિંઘ બદનોરે પણ સંજયની હિંમતની તેના સોશિયલ મીડિયા અકાઉન્ટ પરથી પ્રશંસા કરી અને સલામ કર્યા હતા, ત્યારે હવે વડા પ્રધાન નરેન્દ્ર મોદીએ સંજયની પ્રશંસા કરી છે. ‘મન કી બાત’માં વડા પ્રધાન નરેન્દ્ર મોદીએ કહ્યું હતું કે સંજય રાણાના છોલે-ભટુરે મફતમાં ખાવા માટે, તમારે બતાવવું પડશે કે તમને તે જ દિવસે રસી મળી ગઈ છે. તેઓ રસીનો સંદેશો બતાવતાની સાથે જ તમને સ્વાદિષ્ટ છોલે-ભટુરે આપશે.
સંજયે કહ્યું કે થોડા દિવસો પહેલા તેણે ટીવી પર જોયું હતું કે હિમાચલના ધારાસભ્યએ તેમની ઓફિસની બહાર લખ્યું હતું કે કોરોના રસી લીધા વિના ઓફિસમાં આવવું મનાઈ છે. જ્યારે આ અંગે ઘરે ચર્ચા કરવામાં આવી ત્યારે તેમની પુત્રીએ કહ્યું કે પાપા, તમારે પણ આવું કંઈક કરવું જોઈએ. તે પછી આ પહેલ શરૂ કરી. સંજયના જણાવ્યા મુજબ, દરરોજ 20-25 ગ્રાહકો તેની પાસે રસી લઈને આવે છે અને આ ખુશીમાં તે તેમને મફત છોલે ભટુરે ખવડાવે છે.
વધુમાં વધુ 30 થી 35 લોકોને મફત ખવડાવી શકે છે
જ્યારે સંજયને પૂછવામાં આવ્યું કે તે એક દિવસમાં કેટલા લોકોને મફત ખવડાવી શકે છે, ત્યારે તેમણે કહ્યું હતું કે મહત્તમ 30-35 લોકો. જો તમે આ કરતાં વધુ લોકોને ખવડાવો છો, તો પછી તેમનું બજેટ ખલેલ પહોંચાડી શકે છે. તેમનું કહેવું છે કે જો વધુ લોકો આવે, તો પહેલા 30 લોકોને ખવડાવવાની જોગવાઈ કરી શકાય છે.
સાયકલ વાલે છોલે ભટુરે તરીકે પ્રખ્યાત
સંજય રાણાએ જણાવ્યું કે , આખા વિસ્તારમાં તેની દુકાન સાયકલ વાલે છોલે ભટુરે તરીકે પ્રખ્યાત છે. શહેરના ઘણા પ્રખ્યાત લોકો પણ તેમની પાસે આવે છે. તેઓ તેમના ચણામાં લસણ, ડુંગળી, ટામેટા અને તેલ ઉમેરતા નથી. ફક્ત મસાલો જ વપરે છે. 40 રૂપિયામાં વેચાયેલી પ્લેટમાં ત્રણ ભટુરે હોય છે. તેણે જણાવ્યું કે અગાઉ તેના પિતા આ બજારમાં દુકાન ચલાવતા હતા. તે પછી તેઓ ચલાવી રહ્યા છે.
