નવી દિલ્હી: ‘યે રિશ્તા ક્યા કહેલાતા હૈ’માં અક્ષરાનું પાત્ર ભજવીને ઘર-ઘરમાં જાણીતી બનેલી અને લોકોના દિલો પર રાજ કરનારી હિના ખાન (Hina Khan) હાલના સમયમાં ખરાબ સમયમાંથી પસાર થઈ રહી છે. અભિનેત્રી માટે આ સમયગાળો ખુબ જ મુશ્કેલ છે. અસલમાં ‘બિગ બોસ’માં શેરખાન તરીકે ફેમસ થયેલી હિના ખાને જણાવ્યું હતું કે તેણી કેન્સરથી (Cancer) પીડિત છે અને તેણીને ત્રીજા સ્ટેજનું બ્રેસ્ટ કેન્સર હોવાનું નિદાન થયું છે.
હિના ખાનના કેંસરના સમાચાર જંગલની આગની જેમ ફેલાઈ ગયા હતા અને આ જાણ્યા પછી તેમના ચાહકો પણ દુ:ખમાં સરી ગયા હતા. હવે અભિનેત્રી આ મુશ્કેલ સમય સામે લડી રહી છે અને હિંમતભેર આ ગંભીર બીમારીનો સામનો કરી રહી છે. ત્યારે અભિનેત્રી સતત સોશિયલ મીડિયા પર ફેન્સ સાથે પોતાના સ્વાસ્થ્યના અપડેટ્સ શેર કરી રહી છે અને આ મુશ્કેલ સમય સામે સ્મિત સાથે લડી રહી છે. આ સ્થિતિમાં અભિનેત્રીનો પરિવાર તેની સાથે જ છે. તાજેતરમાં હિનાએ પોતાના સ્વાસ્થ્યનું અપડેટને શેર કર્યું હતું, જેમાં તેમણે કહ્યું હતું કે તેઓ હાલમાં હોસ્પિટલમાં છે અને તેણીને પ્રાર્થનાની જરૂર છે. અભિનેત્રીએ સર્જરી કરાવી છે અને સર્જરીના કારણે તેણી ખૂબ જ પીડામાં છે.
![](https://gujaratmitra.in/wp-content/uploads/2024/07/20-2.jpg)
હિના ખાન ખૂબ જ પીડામાં છે
હિના ખાન ભલે પોતાનું દુ:ખ વ્યક્ત ન કરતી હોય અને દરેક સમસ્યાને સ્મિત સાથે સહન કરતી હોય, પરંતુ હિનાનું દુ:ખ ખૂબ જ ગંભીર છે. અભિનેત્રીએ પોતાની ઈન્સ્ટાગ્રામ સ્ટોરી પર એક તસવીર પોસ્ટ કરી છે, જેમાં તેણી હોસ્પિટલના બેડ પર જોવા મળી રહી છે. તેમજ અભિનેત્રીના હાથ પર બેન્ડ છે અને બારીમાંથી પણ બહારનો નજારો દેખાય છે. આ તસવીરના કેપ્શનમાં હિના ખાને લખ્યું હતું કે, ‘એક અન્ય દિવસ, દુવાહ.’ આ પછી જ તેણીએ બીજી ઈમોશનલ પોસ્ટ શેર કરી, જેમાં તેણીએ લખ્યું હતું કે, ‘હું સતત પીડામાં છું. હા, સતત…દરેક સેકન્ડ. વ્યક્તિ કદાચ હસતી રહે, પરંતુ હજુ પણ પીડામાં છે.
હિના ખાને સર્જરી કરાવી
આ પછી હિનાએ એક નોટની તસવીર પોસ્ટ કરી, જે તેને કોકિલાબેન હોસ્પિટલના હાઉસકીપિંગ સ્ટાફે આપી હતી. જેમાં લખ્યું હતું કે, ‘ડિયર હિના ખાન, હું જાણું છું કે તમારી સર્જરી ખૂબ જ મુશ્કેલ હતી પરંતુ હું ખુશ છું કે તમે સંપૂર્ણ સ્વસ્થ થવાના માર્ગ પર છો. હું પ્રાર્થના કરું છું કે તમે જલ્દીથી સંપૂર્ણ સ્વસ્થ થઈ જાઓ. આશા છે કે તમે ટૂંક સમયમાં રાહત અનુભવવાનું શરૂ કરશો. જલ્દી સાજા થાઓ.
હિનાએ કીમો વિશે અપડેટ આપ્યું
હાલમાં જ હિના ખાને પોતાના પિતાની તસવીર શેર કરી હતી. હિનાએ થોડા વર્ષો પહેલા પોતાના પિતાને ગુમાવ્યા હતા. આ સિવાય તેણીએ પોતાના વાળ કપાવવાનો વીડિયો પણ શેર કર્યો હતો અને જણાવ્યું હતું કે તેણીએ પહેલી કીમોથેરાપી પછી વાળ કપાવ્યા હતા. આ સિવાય કીમોના કારણે તેમના શરીર પર ઘણા ઘા હતા, જેની ઝલક પણ તેમણે દેખાડી હતી. હીના પોતાના પ્રથમ કીમો માટે એક ઇવેન્ટ પછી સીધી હોસ્પિટલમાં પણ ગઈ હતી. હાલના દિવસોમાં હિના ખાન માટે ખુબ જ મુશ્કેલ સમય છે.
હિનાના કામની વાત કરીએ તો, તે ‘યે રિશ્તા ક્યા કહેલાતા હૈ’થી લાઇમલાઇટમાં આવી હતી અને પછી ‘બિગ બોસ 11’માં તેનો અલગ લુક જોવા મળ્યો હતો. આ પછી તે ‘નાગિન’ અને ‘કસૌટી ઝિંદગી કી’ જેવા શોનો પણ ભાગ રહી હતી. હાલમાં તે OTT પર સક્રિય છે.
![](https://gujaratmitra.in/wp-content/uploads/2022/04/gujaratmitraDOTin-Copy.png)