સાસારામ: બિહાર (Bihar) સરકાર ભલે રાજ્યમાં સારી આરોગ્ય વ્યવસ્થા હોવાનો દાવો કરતી હોય, પરંતુ હોસ્પિટલોની (Hospital) વાસ્તવિકતા શું છે તે હાલ સોશિયલ મીડિયામાં વાયરલ થયેલા એક વીડિયો પરથી જાણી શકાય છે. બિહારની સરકારી હોસ્પિટલોની તસવીર દરરોજ સામે આવતી રહે છે. બિહારના રોહતાસ જિલ્લામાંથી આવી જ એક તસવીર સામે આવી છે, જેને જોઈને તમે પણ કહેશો કે પરિસ્થિતિ હજુ બદલાઈ નથી.
બિહારની સાસારામ સદર હોસ્પિટલમાં આજે પણ દર્દીઓને ટોર્ચલાઇટ હેઠળ સારવાર આપવામાં આવે છે. પૂછવા પર ડોકટરો પણ કહે છે કે આ રોજની હાલત છે. મળતી માહિતી મુજબ, સાસારામ સદર હોસ્પિટલના ઈમરજન્સી રૂમમાંથી એક વીડિયો સામે આવ્યો છે. વીડિયોમાં સ્પષ્ટપણે જોઈ શકાય છે કે મોબાઈલની લાઈટમાં એક દર્દીની સારવાર થઈ રહી છે.
- બિહારમાં આરોગ્ય વ્યવસ્થાને નામે મીંડુ
- હોસ્પિટલમાં આજે પણ દર્દીઓને ટોર્ચલાઇટ હેઠળ સારવાર આપવામાં આવે છે
- સદર હોસ્પિટલના ડોકટરોનું કહેવું છે કે તેમને દરરોજ આ પ્રકારની પરિસ્થિતિનો સામનો કરવો પડે છે, આ કોઈ નવી વાત નથી
- મીડિયા ડીએમએ ગેરવહીવટ માટે જિલ્લા પ્રોગ્રામ મેનેજર (DPM) અને હોસ્પિટલના કર્મચારીઓને પણ નોટિસની ફટકાર લગાવી
મળતી માહિતી મુજબ સાસારામ નગર પોલીસ સ્ટેશન વિસ્તારના પુરાણા પોલીસ સ્ટેશન પાસે બે બાજુથી ગોળીબાર થયો હતો. ફાયરિંગમાં ચાર લોકો ઘાયલ થયા છે. ફાયરિંગમાં ઘાયલ થયેલા તમામ લોકોને સારવાર માટે સદર હોસ્પિટલના ટ્રોમા સેન્ટરમાં લાવવામાં આવ્યા હતા, જ્યાં તેમની સારવાર ચાલી રહી હતી. દરમિયાન પાવર ગયો હતો. આ પછી કોઈક રીતે મોબાઈલની લાઈટમાં સારવાર કરાવી હતી. સદર હોસ્પિટલના ડોકટરોનું કહેવું છે કે તેમને દરરોજ આ પ્રકારની પરિસ્થિતિનો સામનો કરવો પડે છે, આ કોઈ નવી વાત નથી. મીડિયા ડીએમએ ગેરવહીવટ માટે જિલ્લા પ્રોગ્રામ મેનેજર (DPM) અને હોસ્પિટલના કર્મચારીઓને પણ નોટિસની ફટકાર લગાવી છે.
શુક્રવારની રાત્રે ફરજ પરના ડૉક્ટર બ્રજેશ કુમારે સ્વીકાર્યું હતું કે વારંવાર પાવર કટ થવાને કારણે ઇજાગ્રસ્તોની સારવાર માટે તેમણે તેમના સેલફોન લાઇટનો ઉપયોગ કર્યો હતો, જે તેમના માટે સામાન્ય છે. અન્ય એક ડોકટરે જણાવ્યું હતું કે, અવિરત વીજ પુરવઠા માટે સંબંધિત અધિકારીઓને તેમની વિનંતીઓને અવગણવામાં આવી હતી. તેમણે કહ્યું કે વીજળીના ઇન્વર્ટર પણ બંધ છે અને રાત્રે સારવાર માટે સેલફોનની લાઇટ જ એકમાત્ર વિકલ્પ છે.
