ભરૂચ: ભરૂચથી (Bharuch) પસાર થતી 508 કિલોમીટર લાંબી મુંબઈ-અમદાવાદ બુલેટ ટ્રેન (Mumbai Ahmedabad Bullet Train) પ્રોજેક્ટ પર કામ પૂરજોશમાં ચાલી રહ્યું છે. આ હાઈ-સ્પીડ રેલ પ્રોજેક્ટ જેને MAHSR બુલેટ ટ્રેન તરીકેના પ્રોજેક્ટમાં મહારાષ્ટ્રમાં 155.76 કિમી, દાદરા અને નગર હવેલીમાં 4.3 કિમી જ્યારે સૌથી વધુ ગુજરાતમાં 348.04 કિમીને આવરી લેશે. ટ્રેનના રૂટમાં ભરૂચ સહિત 12 સ્ટેશન હશે.
કેન્દ્રીય રેલવેમંત્રીએ એક ઈન્ટરવ્યુમાં બુલેટ ટ્રેનના પ્રથમ ફેઝ શરૂ કરવા અંગે મહત્ત્વની જાહેરાત કરી
કેન્દ્રીય રેલવેમંત્રી અશ્વિની વૈષ્ણવે (Ashwini Vaishnaw) જણાવ્યું હતું કે, ઓગસ્ટ-2026માં તેનું સંચાલન શરૂ કરવાની યોજનાઓ સાથે બાંધકામ તબક્કાવાર નોંધપાત્ર પ્રગતિમાં છે.
- 160 કિમી/કલાકની સ્પીડે દોડતી બુલેટ ટ્રેનનો 92,900 મુસાફરો દૈનિક લાભ લે તેવો અંદાજ
- હાઈ સ્પીડ રેલ કોરિડોર પર બુલેટ ટ્રેન ચલાવવાનો નિર્ણય લેતાં આખો પ્રવાસમાં માત્ર 2 કલાક 7 મિનિટમાં પૂર્ણ થશે
કેન્દ્ર સરકારે 508.09 કિમી લાંબા મુંબઈ-અમદાવાદ હાઈ સ્પીડ રેલ કોરિડોર પર બુલેટ ટ્રેન ચલાવવાનો નિર્ણય લીધો છે, આખો પ્રવાસમાં 2 કલાક 7 મિનિટમાં પૂર્ણ થશે. મુસાફરી દરમિયાન ટ્રેન ભરૂચ સહિત થાણે, વિરાર, બોઈસર, વાપી, બીલીમોરા, સુરત, વડોદરા, આણંદ, અમદાવાદ અને સાબરમતી એમ 10 શહેરોમાં ઉભી રહેશે. સમગ્ર પ્રોજેક્ટનો ખર્ચ ક્યાંક રૂ.2 લાખ કરોડ થાય છે.
NHSRCLએ કહ્યું હતું કે, બુલેટ ટ્રેન પ્રોજેક્ટનો પ્રથમ તબક્કો 2026માં શરૂ થવાની અપેક્ષા છે. કોરિડોરની પ્રત્યેક બાજુએ દરરોજ 17,900 મુસાફરોની અવરજવર જોવાની અપેક્ષા છે. NHSRCL મુજબ, મુસાફરોને 35 દૈનિક ટ્રેન ટ્રિપ્સમાં લાવવામાં આવશે, જે કમિશનિંગના વર્ષમાં 24 રેક સાથે 10 કાર કન્ફિગરેશન દ્વારા બનાવવામાં આવશે.
Racing at the speed of a bullet, the Mumbai-Ahmedabad High-Speed Rail project is propelling India into a new era of modern transportation.
— NHSRCL (@nhsrcl) July 25, 2023
Here is the latest project update video https://t.co/4aM1d5eTYQ#NHSRCl #MAHSR @railminindia
NHSRCL મુજબ, લગભગ 92,900 મુસાફરો દરરોજ સિસ્ટમનો ઉપયોગ કરે તેવી શક્યતા છે. મુસાફરો સવારે 6 વાગ્યાથી મધ્યરાત્રિ સુધી 30 મિનિટના અંતરે ટ્રેનમાં બેસી શકે છે. બુલેટ ટ્રેન લગભગ 320 કિમી પ્રતિ કલાકની ઝડપે દોડવાની અપેક્ષા છે. હાલમાં ટોચની ઝડપ મર્યાદા 160 કિમી/કલાક છે. હાઇ સ્પીડ ટ્રેનમાં સ્ટાન્ડર્ડ ક્લાસ, બિઝનેસ ક્લાસ અને ગ્રાન્ડ ક્લાસ એમ ત્રણ ક્લાસ રહેશે.
વધુમાં રેલ્વે મંત્રાલયના ટ્વીટમાં ઈન્ફ્રાસ્ટ્રક્ચરની પ્રગતિ વિશે જણાવ્યું હતું કે, અત્યાર સુધીમાં અંદાજે 1381.9 હેક્ટરમાં વાવેતર થયું છે. જો કે, જમીનની જરૂરિયાત અંદાજે 1389.5 હેક્ટર છે. જમીન સંપાદનની મોટાભાગની સમસ્યાઓ મહારાષ્ટ્ર રાજ્યમાં કેન્દ્રિત છે. જૂન-2023 સુધીમાં કુલ 429.53 હેક્ટર જમીન સંપાદિત કરવામાં આવી હતી, જે વર્ષ-2021માં 196.19 હેક્ટર હતી.
Gushing at Bullet speed!
— Ministry of Railways (@RailMinIndia) July 31, 2023
Glimpses of #BulletTrain progress spanning longer distances.
📍Anand District, Gujarat pic.twitter.com/pnPkjKYdWV
બુલેટ ટ્રેન માટે ઓપરેશનલ પ્લાન એવો છે કે લાઇનનું ઓપરેશનલ કંટ્રોલ સેન્ટર (OCC) સાબરમતી ખાતે સ્થિત હશે. મુસાફરો માટે 2 પ્રકારની સેવાઓ સાથે ટ્રેનો ચલાવવામાં આવશે. હાઇ સ્પીડ (2.58 કલાકની મુસાફરી): અમદાવાદ (સાબરમતી) અમદાવાદ (કાલુપુર) આણંદ વડોદરા ભરૂચ સુરત બીલીમોરા વાપી બોઈસર વિરાર થાણે મુંબઈ (બાંદ્રા કુર્લા કોમ્પ્લેક્સ).
ઝડપી હાઈ સ્પીડ (2 07 કલાકની મુસાફરી): અમદાવાદ (સાબરમતી) વડોદરા સુરત મુંબઈ (બાંદ્રા કુર્લા કોમ્પ્લેક્સ).મેગા ઇન્ફ્રાસ્ટ્રક્ચર પ્રોજેક્ટમાં 1.6 કરોડ ક્યુબિક મીટર સિમેન્ટ અને 17 લાખ MT સ્ટીલનો વપરાશ થવાની અપેક્ષા છે અને તે સિમેન્ટ અને સ્ટીલ ઉદ્યોગોને પ્રોત્સાહન આપવા માટે ઉત્પ્રેરક તરીકે કામ કરશે.
