ખડગેએ કહ્યું કે, “મારા તાજેતરના કેરળના ચૂંટણી ભાષણના કેટલાક નિવેદનોને ગેરઅર્થમાં લેવામાં આવ્યા છે. તેમ છતાં હું દિલથી અફસોસ વ્યક્ત કરું છું. ગુજરાતના લોકોની લાગણી દુભાવવા મારો ક્યારેય ઈરાદો નહોતો અને મને તેમના પ્રત્યે હંમેશા સર્વોચ્ચ સન્માન રહ્યું છે.”
ઉલ્લેખનીય છે કે, કેરળના ઇડુક્કી જિલ્લામાં યોજાયેલી ચૂંટણી સભા દરમિયાન ખડગેએ જણાવ્યું હતું કે કેરળના લોકો શિક્ષિત અને સમજદાર છે અને તેમને ભૂલમાં મુકવું મુશ્કેલ છે. તેમણે કહ્યું હતું કે Narendra Modi અને કેરળના મુખ્યમંત્રી Pinarayi Vijayan જેવા નેતાઓ ગુજરાત અથવા અન્ય જગ્યાના “અશિક્ષિત લોકો”ને ભુલાવી શકે, પરંતુ કેરળના લોકોને નહીં. આ નિવેદન બાદ ભાજપે કોંગ્રેસ પર તીખા પ્રહાર કર્યા હતા.
આ અપમાન બાદ ડેપ્યુટી સી એમ Harsh Sanghaviએ ખડગે પર નિશાન સાધતા કહ્યું હતું કે તેમણે એવા રાજ્યનું અપમાન કર્યું છે, જેણે દેશને Mahatma Gandhi અને Sardar Vallabhbhai Patel જેવા મહાન નેતાઓ આપ્યા છે અને વિકાસનો નવો મોડલ પણ રજૂ કર્યો છે.
તે ઉપરાંત ભાજપના રાષ્ટ્રીય પ્રવક્તા Sudhanshu Trivediએ પણ કોંગ્રેસ પર આક્ષેપ કર્યો કે પાર્ટી કેરળની ચૂંટણી પહેલા ‘વિવાદ ઉભો કરીને ફાયદો લેવા’ની રાજનીતિ કરી રહી છે. તેમણે પ્રશ્ન ઉઠાવ્યો કે ખડગે મહાત્મા ગાંધી, સરદાર પટેલ તેમજ Jawaharlal Nehru, Indira Gandhi અને Rajiv Gandhi જેવા નેતાઓની બુદ્ધિમત્તા વિશે શું વિચારે છે.
આ સમગ્ર ઘટનાએ રાજકીય ગરમાવો વધાર્યો છે, ખાસ કરીને કેરળમાં આવનારી ચૂંટણીને ધ્યાનમાં રાખીને, જ્યાં આ મુદ્દો રાજકીય ચર્ચાનો કેન્દ્ર બની ગયો છે.
