પાકિસ્તાનના મિસ્ટ્રી સ્પિનર પર પડી ‘દ હન્ડ્રેડ’ ઓક્શનમાં જબરદસ્ત કરોડોની બોલી, બે ટીમોમાં જંગ પછી આ ટીમે મારી બાજી
ક્રિકેટ ઘણીવાર એવી કહાની લખે છે કે જે ફિલ્મ કરતાં પણ વધુ પ્રેરણાદાયી હોય છે. એવી જ એક અનોખા સફરની ઘટના પાકિસ્તાનના મિસ્ટ્રી સ્પિનર Usman Tariqની છે. એક સમય હતો જ્યારે તેઓ United Arab Emiratesમાં સેલ્સમેન તરીકે કામ કરતા હતા, પરંતુ આજે તેઓ કરોડો કમાવનારા આંતરરાષ્ટ્રીય ક્રિકેટર બની ગયા છે. મહેનત અને સંઘર્ષના કારણે તેમની કિસ્મત આખી બદલાઈ ગઈ.
કહેવાય છે કે તેમની જિંદગીમાં મોટો ટર્નિંગ પોઇન્ટ ત્યારે આવ્યો જ્યારે તેમણે MS Dhoni: The Untold Story ફિલ્મ જોઈ. આ ફિલ્મથી પ્રેરણા લઈને તેમણે ક્રિકેટને ગંભીરતાથી લીધો અને સતત મહેનત શરૂ કરી. આજે તેઓ પાકિસ્તાન ટીમના ઉદયમાન સ્પિનર તરીકે ઓળખાઈ રહ્યા છે.
‘દ હન્ડ્રેડ’ ઓક્શનમાં મચી જબરદસ્ત બોલી : ઇંગ્લેન્ડની પ્રખ્યાત લીગ The Hundredના 2026 સીઝનની ઓક્શન પ્રક્રિયામાં ઉસ્માન તારિક પર ટીમોની ખાસ નજર રહી. આ લીગમાં દરેક મેચ માત્ર 100 બોલની હોય છે અને વિશ્વભરના ખેલાડીઓ તેમાં ભાગ લે છે. આ વખતે ઓક્શનમાં લગભગ 250 ખેલાડીઓ સામેલ હતા, જેમાં પાકિસ્તાનના 14 ખેલાડીઓના નામ હતા. જોકે તેમાંમાંથી ફક્ત બે જ ખેલાડીઓ વેચાયા , Abrar Ahmed અને ઉસ્માન તારિક.
બે ટીમો વચ્ચે લાગી બોલીની જંગ
જ્યારે ઉસ્માન તારિકનું નામ ઓક્શનમાં આવ્યું ત્યારે બે ટીમો વચ્ચે ભારે સ્પર્ધા શરૂ થઈ. Birmingham Phoenix અને Trent Rockets બંનેએ તેમને ખરીદવા માટે બોલી લગાવી. બંને વચ્ચે બે રાઉન્ડ સુધી બિડિંગ ચાલ્યું, પરંતુ અંતે બાજી Birmingham Phoenixના હાથમાં ગઈ.
કેટલામાં વેચાયા ઉસ્માન તારિક? : ઉસ્માન તારિકની બેઝ પ્રાઈસ 1 લાખ પાઉન્ડ (લગભગ 1.23 કરોડ રૂપિયા) રાખવામાં આવી હતી. પરંતુ બોલી દરમિયાન તેમની કિંમત વધીને 1.40 લાખ પાઉન્ડ સુધી પહોંચી ગઈ. ભારતીય કરન્સીમાં આ રકમ લગભગ 1.73 કરોડ રૂપિયા થાય છે, જ્યારે પાકિસ્તાની કરન્સીમાં અંદાજે 5.25 કરોડ રૂપિયા થાય છે.
અનોખા બૉલિંગ એક્શનથી ચર્ચામાં : ઉસ્માન તારિક પોતાના અનોખા બૉલિંગ એક્શન માટે પણ જાણીતા છે. તેમની “ડબલ એલ્બો” ટેક્નિકને કારણે ઘણીવાર તેમની તુલના શ્રીલંકાના દિગ્ગજ સ્પિનર Muttiah Muralitharan સાથે કરવામાં આવે છે. જોકે તેમણે સ્પષ્ટ કહ્યું છે કે તેમની બાહુ કુદરતી રીતે વળે છે અને તેમની તપાસ થઈ ચૂકી છે.
T20 ક્રિકેટમાં ઝડપી ઉછાળો : ઉસ્માન તારિકે નવેમ્બર 2025માં પાકિસ્તાન માટે T20 ઈન્ટરનેશનલ ડેબ્યુ કર્યું હતું. અત્યાર સુધી તેઓ 9 મેચોમાં 18 વિકેટ લઈ ચૂક્યા છે. સાથે જ ICC Men’s T20 World Cup 2026માં પણ તેઓ પાકિસ્તાન માટે મહત્વપૂર્ણ ખેલાડી રહ્યા હતા.
સેલ્સમેનથી કરોડપતિ ક્રિકેટર બનવાની તેમની સફર એ સાબિત કરે છે કે જો જુસ્સો અને મહેનત હોય તો સપના ચોક્કસ સાકાર થાય છે.
