દક્ષિણ ભારતીય ફિલ્મ ઇન્ડસ્ટ્રીના સૌથી ચર્ચિત અને લોકપ્રિય જોડામાં ગણાતા રશ્મિકા મંદાના અને વિજય દેવરકોંડા હવે ઓફિશ્યલી રીતે પતિ-પત્ની બની ગયા છે. 26 ફેબ્રુઆરી 2026ના રોજ ઉદયપુરના એક વૈભવી રિસોર્ટમાં બંનેએ ખૂબ જ ખાનગી અને ભવ્ય સમારોહમાં લગ્ન કર્યા, જેમાં ફક્ત પરિવારજનો અને નજીકના મિત્રો જ હાજર રહ્યા. સવારે 10:10 વાગ્યે પરંપરાગત તેલુગુ રીતરિવાજ મુજબ લગ્નવિધિ સંપન્ન થઈ. ત્યારબાદ સાંજે 5 વાગ્યે રશ્મિકાની કોડાવ પરંપરા અનુસાર વિશેષ વિધિ યોજાઈ, જે આશરે 1-2 કલાક ચાલી. પ્રથમ સમારંભમાં વિજયના કુટુંબની પરંપરાઓનું પાલન થયું, જ્યારે સાંજે રશ્મિકાના કુર્ગી (કોડાવ) વારસાને માન અપાયું. તેલુગુ વિધિ પછી પપ્પાઓને મીઠાઈઓનું વિતરણ કરવામાં આવ્યું.
લગ્નની પ્રથમ તસવીરો સોશિયલ મીડિયા પર શેર થતા જ વાયરલ થઈ ગઈ. દુલ્હન તરીકે રશ્મિકા સોનાના ભારે અને સ્તરવાળા આભૂષણોમાં ઝગમગી ઉઠી હતી. પહોળો ચોકર, ‘મંગા માળા’ અને સિક્કાથી જડિત ‘કાસુ માળા’ ખાસ આકર્ષણનું કેન્દ્ર રહ્યા. કોડાવ સમારંભમાં તેમણે પોતાની સાસુ માધવી દેવરકોંડા તરફથી ભેટમાં મળેલી સાડી પહેરી હતી. વિજય પરંપરાગત વેશભૂષામાં રાજકુમાર જેવા શોભતા હતા. સંગીત સમારંભ આનંદમય ઉજવણીમાં ફેરવાયો હતો, જેમાં નજીકના મિત્રો અને પરિવાર સાથે બંનેએ દિલખોલીને નૃત્ય કર્યું. મીડિયા અહેવાલ મુજબ રશ્મિકાએ Pushpa 2: The Ruleના લોકપ્રિય ગીત “અંગારોં” પર નૃત્ય કરીને વિજયને સરપ્રાઇઝ આપ્યો હતો.તેમના સ્વપ્નીલ લગ્નની તસવીરો હાલ સોશિયલ મીડિયા પર ચર્ચાનો વિષય બની છે અને ચાહકો નવદંપતીને હાર્દિક શુભેચ્છાઓ પાઠવી રહ્યા છે.
લગ્ન બાદ બંનેએ સોશિયલ મીડિયા પર ભાવનાત્મક પોસ્ટ શેર કરી. રશ્મિકાએ વિજયને “માય હસબન્ડ કહી જીવનની નવી સફર માટે ઉત્સાહ વ્યક્ત કર્યો હતો. તેણે પોતાની પોસ્ટમાં લખ્યું….
“મારા પતિ” નો પરિચય આપું છું! 💘
શ્રી વિજય દેવરકોંડા!! ❤️
એ માણસ જેણે મને શીખવ્યું કે સાચો પ્રેમ કેવો હોય છે,
એ માણસ જેણે મને બતાવ્યું કે શાંતિમાં રહેવું કેવું હોય છે! 🤍
એ માણસ જેણે મને રોજ કહેતો હતો કે મોટા સપના જોવા બિલકુલ ઠીક છે અને સતત કહેતો હતો કે હું જે વિચારી શકું તેના કરતાં ઘણું વધારે કંઈક પ્રાપ્ત કરવા સક્ષમ છું! 🤍
એ માણસ જેણે મને ક્યારેય કોઈ જોતું ન હોય તેવી રીતે નાચતા અટકાવ્યો નથી..
એ માણસ જેણે મને મિત્રો સાથે મુસાફરી કરતા બતાવ્યું તે અત્યાર સુધીની શ્રેષ્ઠ વસ્તુ છે, અને મારા પર વિશ્વાસ કરો કે હું આ માણસ પર એક પુસ્તક લખી શકું છું! 🤍
હું એવી સ્ત્રી બની ગઈ છું જેનું મેં હંમેશા સ્વપ્ન જોયું હતું, કારણ કે તમે તેને આજે જે છે તે બનાવી છે!
હું ખરેખર ધન્ય છું! 🤍
વિજ્જુ, તારા પ્રત્યેની મારી લાગણીઓનું વર્ણન કરવા માટે મારી પાસે હંમેશા શબ્દોની કમી હોય છે!! મેં હંમેશા તને તે કહ્યું છે!!
પણ તમને અચાનક ખબર પડી ગઈ કે મારી બધી સિદ્ધિઓ, સંઘર્ષો, ખુશી, ઉદાસી, આનંદ, જીવન – બધું હવે ઘણું વધારે અર્થપૂર્ણ બની ગયું છે – કારણ કે મારી પાસે તમે છો – આ બધું સાક્ષી છો.. આ બધાનો સૌથી મોટો ભાગ છો! ❤️
હું તમારી પત્ની બનવા માટે ખૂબ જ ઉત્સાહિત છું! તમારી પત્ની બનવા માટે! તમારી પત્ની કહેવા માટે!! 💃🏻💃🏻❤️ હવે ફુલ પાર્ટીનો સમય છે!!💃🏻❤️
ચાલો સાથે મળીને અત્યાર સુધીનું શ્રેષ્ઠ જીવન જીવીએ!
હું તમને પ્રેમ કરું છું! ❤️
જ્યારે વિજયે લખ્યું, “મેં મારા શ્રેષ્ઠ મિત્રને મારી પત્ની બનાવી. 26.02.2026.” આ સંદેશ ઝડપથી ચાહકોમાં વાયરલ થઈ ગયો, અને તેમના લગ્ન સોશિયલ મીડિયા પર ચર્ચાનો વિષય બની ગયા. વિજય દેવરકોન્ડાએ લગ્નના ફોટા સાથે એક ભાવનાત્મક નોંધ પણ શેર કરી. તેમણે લખ્યું કે એક દિવસ તેમને ખ્યાલ આવ્યો કે રશ્મિકા વિના તેમનો દિવસ અધૂરો લાગે છે, જાણે કે તેમની સાથે બધું સારું હોય.
આ રહી એમલા લગ્નની તસ્વીરો
