દક્ષિણ એશિયામાં ફરી તણાવ વધારતી ઘટના સામે આવી છે. Pakistanએ અફઘાનિસ્તાનની સરહદ નજીક આતંકી છુપાયેલા ઠેકાણાઓ પર હવાઈ હુમલા કર્યા હોવાનો દાવો કર્યો છે. જોકે Afghanistanની સરકારએ આ દાવાને નકારીને કહ્યું છે કે હુમલામાં નિર્દોષ નાગરિકો, જેમાં મહિલાઓ અને બાળકો પણ સામેલ છે, તેઓના જીવ ગયા છે.
રવિવારે સવારે પાકિસ્તાનના માહિતી મંત્રી Attaullah Tararએ સોશિયલ મીડિયા પર નિવેદન આપી જણાવ્યું કે સરહદ વિસ્તારમાં સાત અલગ-અલગ સ્થળોએ આતંકી કેમ્પ અને છુપાયેલા ઠેકાણાઓને નિશાન બનાવવામાં આવ્યા. તેમના મુજબ આ કાર્યવાહી ખાસ કરીને Tehrik-e-Taliban Pakistan (TTP) અને તેના સાથી સંગઠનો સામે “ઇન્ટેલિજન્સ આધારિત ટાર્ગેટેડ ઓપરેશન” તરીકે હાથ ધરવામાં આવી હતી. પાકિસ્તાને એવો પણ દાવો કર્યો કે Islamic State સાથે જોડાયેલા એક જૂથને પણ નિશાન બનાવવામાં આવ્યું.
બીજી તરફ અફઘાનિસ્તાનના પ્રવક્તા Zabihullah Mujahidએ આરોપ લગાવ્યો કે પાકિસ્તાને અફઘાનિસ્તાનના Nangarhar અને Paktika પ્રાંતોમાં બોમ્બમારો કર્યો, જેના કારણે અનેક નાગરિકો ઘાયલ થયા અને મૃત્યુ પણ નોંધાયા.
હુમલાનો કારણ શું? પાકિસ્તાનના જણાવ્યા મુજબ આ એરસ્ટ્રાઈક છેલ્લા કેટલાક આત્મઘાતી હુમલાઓના જવાબરૂપે કરવામાં આવી છે. ખાસ કરીને રમઝાન મહિનાની શરૂઆતથી અત્યાર સુધી થયેલા ત્રણ મોટા હુમલાઓ બાદ કાર્યવાહી કરવામાં આવી હોવાનું જણાવાયું. તેમાં બે અઠવાડિયા પહેલા ઇસ્લામાબાદની શિયા મસ્જિદમાં થયેલા ભયાનક આતંકી હુમલામાં ઓછામાં ઓછા 40 લોકોના મોત અને 160થી વધુ લોકો ઘાયલ થયા હતા.આ હુમલાની જવાબદારી Islamic Stateએ સ્વીકારી હતી.જો કે તાજા હુમલાઓમાં ઉત્તર-પશ્ચિમ પાકિસ્તાનના બનુ અને બાજૌર જિલ્લામાં થયેલા આત્મઘાતી હુમલાઓનો પણ સમાવેશ થાય છે, જેમાં અનેક સૈનિકો મૃત્યુ પામ્યા હતા. પાકિસ્તાનના સૈન્યએ ત્યારબાદ ચેતવણી આપી હતી કે આતંકવાદીઓ સામે કાર્યવાહી કોઈ પણ સ્થળે કરવામાં આવશે.
પાકિસ્તાન–અફઘાનિસ્તાન વચ્ચે વધતો તણાવ
Kabulમાં સત્તા પર આવેલા તાલિબાન શાસન પછી બંને દેશો વચ્ચેના સંબંધો સતત તણાવપૂર્ણ બન્યા છે. પાકિસ્તાન સતત આરોપ મૂકે છે કે અફઘાનિસ્તાનની ધરતી પરથી TTP જેવા સંગઠનો પાકિસ્તાનમાં હુમલા કરે છે. જ્યારે અફઘાનિસ્તાનની તાલિબાન સરકાર આ આરોપોને નકારી રહી છે.તેમજ તાજેતરના મહિનાઓમાં સરહદી અથડામણો પણ વધી છે, જેમાં ઘણા લોકોના મોત થયા હતા. આ વિવાદના કારણે દક્ષિણ એશિયાના સુરક્ષા પરિસ્થિતિ અંગે આંતરરાષ્ટ્રીય સ્તરે ચિંતા વધી રહી છે.
