ગાંધીનગર : ઉત્તર – પૂર્વીય – પૂર્વીય પવનના કારણે ગુજરાતમાં કાતિલ ઠંડીનો ચમકારો હજુયે એક સપ્તાહ સુધી જોવા મળશે.આજે દિવસ દરમ્યાન કચ્છના નલિયામાં 9 ડિગ્રી ઠંડી નોંધાવવા પામી છે. ખાસ કરીને કચ્છ કાતિલ ઠંડીની ચપેટમાં આવી ગયુ છે. જો કે એક સપ્તાહ સુધી તીવ્ર ઠંડીનો રાઉન્ડ જોવા મળશે.
સૌરાષ્ટ્ર – કચ્છમાં સામાન્ય કરતાં અત્યંત નીચું તાપમાન નોંધાવવા સાથે કચ્છમાં ઠંડીનો ધ્રુજારો વધી જવા પામ્યો છે. આજે ગુરૂવારે દિવસ દરમ્યાન કચ્છના નલિયામાં ઠંડીનો પારો અચાનક નીચે ગગડી જવા સાથે 9 ડિગ્રીએ પહોચી ગયો હતો. હવામાન વિભાગના વૈજ્ઞાનિકોના કહેવા મુજબ રાજયમાં હજુયે એક સપ્તાહ સુધી ઠંડીનો ચમકારો યથાવત રહેશે.જેના પગલે ગુજરાતમાં હવે ઠંડીનો ચમકારો વધવાનો છે. છેલ્લા 24 કલાકની અંદર ઠંડીનો પારો 2 ડિગ્રી સુધી નીચે ગગડી જવા પામ્યો છે.
હવામાન વિભાગના વૈજ્ઞાનિકોના કહેવા મુજબ , હવે આગામી એક સપ્તાહ સુધી રાજયમાં કાતિલ ઠંડી અનુભવાશે. હવામાન વિભાગના સૂત્રોએ કહ્યું હતું કે રાજયમાં આજે અન્ય શહેરો પૈકી ભૂજમાં 10 ડિ.સે.,નલિયામાં 9 ડિ.સે., કંડલા પોર્ટ પર 13 ડિ.સે., કંડલા એરપોર્ટ પર 10 ડિ.સે., અમરેલીમાં 12 ડિ.સે., ભાવનગરમાં 15 ડિ.સે., રાજકોટમાં 10 ડિ.સે., સુરેન્દ્રનગરમાં 12 ડિ.સે., મહુવામાં 13 ડિ.સે., કેશોદમાં 12 ડિ.સે., અમદાવાદમાં 14 ડિ.સે.,ડીસામાં 12 ડિ.સે., ગાંધીનગરમાં 12 ડિ.સે., વલ્લભ વિદ્યાનગરમાં 13 11 ડિ.સે.,વ ડોદરામાં 15 ડિ.સે.,અને સુરતમાં 16 ડિ.સે. અને દમણમાં 16 ડિ.સે., લધુત્તમ તાપમાન નોંધાવવા પામ્યું છે.
