ગામલોકો અને અગ્નિશમન ટીમની મહેનતે આગ પર કાબુ મેળવ્યો
ડાકોર: એક મિઠાઈની દુકાનમાં અજાણ્યા કારણોસર આગ લાગી હતી, જે ઝડપથી વિકરાળ સ્વરૂપ ધારણ કરી ગઈ. આગની જાણ થતાં જ ગામના લોકો તત્કાલ અગ્નિશમન કાર્યમાં લાગી ગયા, કારણ કે ફાયર બ્રિગેડની ટીમ તરત ઉપલબ્ધ ન હતી. ગામલોકોના સહયોગથી આગને ફેલાતી અટકાવવામાં આવી હતી.
સમાચાર મળતાં જ ડાકોર નગર પાલિકાના ફાયર બ્રિગેડના લાઇબંબો અને ઠાસરા તરફથી પણ અગ્નિશમન ટીમો ઘટના સ્થળે પહોંચી ગઈ હતી. ગામના લોકોએ લાઇબંબા દ્વારા પાણીનો છંટકાવ કરી આગને ઓલાવવાના પ્રયાસો કર્યા. પોલીસની ટીમ પણ તાત્કાલિક ઘટના સ્થળે પહોંચી ગઈ હતી, જેમાં પી.આઈ. ભીમાણી સહિતના અધિકારીઓએ સ્થિતિ પર નજર રાખી હતી.
સદનસીબે કોઈ જાનહાનિ થઈ નથી, પરંતુ મિઠાઈની દુકાનને થયેલા નુકસાનનો અંદાજ લેવામાં આવી રહ્યો છે. આગનું કારણ હજુ અજાણ્યું છે, અને પોલીસ તપાસ કરી રહી છે.
*સ્થાનિકોના પ્રયાસોને સલામ*
ગામના લોકોની ઝડપી કાર્યવાહી અને સહકારથી મોટું નુકસાન ટળી ગયું. આગને કાબુમાં લેવા માટે સહાય કરનારા તમામ લોકોની પ્રશંસા કરવામાં આવી રહી છે.
