કાલોલ :
કાલોલ તાલુકાના મધવાસ ગામે સ્વયંભુ ગૌષ્ણેશ્વર મહાદેવ સમગ્ર કાલોલ હાલોલ અને આસપાસનાં પંથકના શિવ ભક્તોમાં અનેરું મહત્વ ધરાવે છે. દેવ દિવાળીનાં પવિત્ર દિવસે ગામનાં અગ્રણીઓ અને યુવાનો તથા શિવભકતો દ્વારા ભગવાન શિવ અને માતાજી ની આસપાસ ફુલોની ભવ્ય રંગોળી બનાવી રોશની કરવામાં આવી. તેની આસપાસ દિવડા પ્રગટાવી સમગ્ર મંદીર પરિસરને સજાવવામાં આવ્યુ હતુ.
દીપમાળા અને ફુલોની રંગોળી નાં દર્શન કરવા ભક્તો મોટી સંખ્યામાં હાજર રહ્યા હતા મંદિરના પરિસરમા હનુમાનજીના મંદિરે પણ ભવ્ય રંગોળી બનાવી દીપ પ્રગટાવ્યા હતા. ફૂલ અને દીપમાળાનાં અનેરા સંગમ અને મંદિરની ચોફેર દિવડાનાં ઝગમગાટથી મનમોહક વાતાવરણ સર્જાયું હતુ. ગ્રામજનોએ ભેગા મળી મહાદેવની આરતી કરી અને આનંદ ઉલ્લાસથી દેવ દિવાળીને યાદગાર બનાવી હતી.
