ઇ-ફાઇલિંગ પોર્ટલ બપોરે 02:30 વાગ્યા સુધી મેન્ટેનન્સ મોડમાં રહેશે
વડોદરા, તા.16
આવકવેરા વિભાગે વર્ષ 2025-26 માટે આવકવેરા વળતર (આઇટીઆર) ફાઇલ કરવા માટેની સમય મર્યાદા લંબાવી છે. તેની છેલ્લી તારીખ 15 સપ્ટેમ્બરની હતી, જે હવે 16 સપ્ટેમ્બર સુધી લંબાવી દેવામાં આવી છે. એટલે આજના દિવસ સુધી વળતર મેળવી શકશે જેની જાહેરાત સેન્ટ્રલ બોર્ડ ઓફ ડાયરેક્ટ ટેક્સ (સીબીડીટી)એ કરી હતી.
ઇ-ટી-ડિપાર્ટમેન્ટના પોર્ટલ પર ઇ-ફાઇલિંગ અને એડવાન્સ ટેક્સ ચુકવણી માટે ઘણા કરદાતાઓ અને ચાર્ટર્ડ એકાઉન્ટન્ટ્સ દ્વારા સામનો કરવામાં આવતી સમસ્યાઓની ફરિયાદ બાદ નિર્ણય લેવામાં આવ્યો છે. વિભાગે માહિતી આપી હતી કે, ઇ-ફાઇલિંગ પોર્ટલ તા.16 સપ્ટેમ્બરના રોજ બપોરે 02:30 વાગ્યા સુધી મેન્ટેનન્સ મોડમાં રહેશે. વિભાગે કરદાતાઓને જાણ કરી, “કરદાતાઓનું વિશેષ ધ્યાન! વર્ષ 2025-26 માટે આકારણી, આવકવેરા રીટર્ન (આઇટીઆર) ફાઇલ કરવા માટેની નિયત તારીખ, જે મૂળ 31 જુલાઈ 2025 હતી, તે અગાઉ 15 સપ્ટેમ્બર 2025 સુધી વિસ્તૃત કરવામાં આવી હતી.”, “સેન્ટ્રલ બોર્ડ ઓફ ડાયરેક્ટ ટેક્સે હવે 16 સપ્ટેમ્બર, 2025 સુધી આઇટીઆર ફાઇલ કરવાની નિયત તારીખ વધારવાનો નિર્ણય લીધો છે.
